Хива туман партия ташкилоти раиси, туман Кенгаши депутати Ф.Юсупов тумандаги 39-сон оилавий поликлиникаси меҳнат жамоаси иштирокида «Атроф-муҳитни асраш ва «яшил иқтисодиёт» йили» давлат дастури ҳамда Ўзбекис­тон Экологик партияси дастурий вазифалари мазмун-моҳиятини тарғиб қилиш борасида давра суҳбати ўтказди.

Тадбирда партиянинг жамиятда тутган ўрни, экология ва атроф-муҳитни муҳофаза қилиш соҳасида олиб бораётган тарғибот ва ташвиқот тадбирлари, ресурс тежамкорлик, ресурсларни қайта тиклаш ва ёшларда экологик тарбия ва илмларни ошириш каби маълумотлар келтирилди.

Партия дастурий мақсадларига хайрихоҳлик билдирган беш нафар ходим партия сафига қабул қилинди ва уларга аъзолик билетлари тантанали топширилди.