ЎЭП Жиззах вилоят кенгаши ходимлари Зарбдор туманида ҳудуднинг экологик ҳолатини ўрганиш ишларини олиб боришди.

Экорейд давомида Зарбдор тумани Бўстон шаҳарчасидаги 28-оилавий поликлиника ўрганилганда ҳудуди 1044 кв метр бўлган икки хил чиқиндилар учун жой ташкил қилинганлиги, аммо тиббиёт чиқиндилари учун ажратилган жой абгор аҳволда эканлиги аниқланди.

Поликлиникага 1 гектар майдон боғ учун алоҳида ажратилиб, баҳор мавсумида 2 минг туп терак ва бодом кўчатлари экилган. Бироқ дарахт кўчатларининг баъзилари қуриб қолгани аниқланди.

Масъул ходимларга юқорида аниқланган муаммолар юзасидан тегишли кўрсатма ва тавсиялар берилди.