Олий Мажлис Қонунчилик палатаси депутати, ЎЭП фракцияси аъзоси Ойбек Раҳимов Қоровулбозор туманидаги «Бўзачи» сув тақсимлаш иншоотида муқобил энергия манбаларидан самарали фойдаланиш юзасидан ўрганишлар олиб борди.

Мониторинг давомида депутат муқобил энергия манбаларидан, хусусан, қуёш панелларидан фойдаланишнинг корхона иқтисодий барқарорлиги ва атроф-муҳит мусаффолигини таъминлашдаги муҳим жиҳатларига ҳамда «тежамкорлик ва барқарорлик» тамойилларига мос эканлигини таъкидлади.

Маълумот ўрнида, қуёш панеллари – тоза ва экологик энергия манбаи бўлиб, атроф-муҳитга зарар етказмайди. Улар электр энергияси харажатларини сезиларли даражада камайтиради ва мустақил энергия таъминотини яратиш имконини беради.