Яккасарой туманидаги «Дўстлик» боғида ёшлар ва фаол волонтёрлар иштирокида «Тоза муҳит – соғлом жамият» шиори остида экологик тарғиботга бағишланган семинар-тренинг ўтказилди.

Тадбир ЎЭП Яккасарой туман партия ташкилоти, Яккасарой туман ҳокимлиги ҳамда Ўзбекистон волонтёрлар ассоциацияси ҳамкорлигида ташкил этилди.

Яккасарой тумани ҳокими Нилуфар Аллабергенова ЎЭПнинг ёш аъзолари, экофаоллар ҳамда ҳамкор ташкилотлар вакиллари билан табиат қўйнида суҳбатлашди. Ёшларнинг пойтахтимизда экологик барқарорликни таъминлаш, табиатнинг ҳар бир неъматини асраб-авайлашга ҳисса қўшиш борасидаги таклифларини тинглади.

Семинар-тренинг доирасида иштирокчилар ўртасида экология, атроф-муҳитни муҳофаза қилиш, кўнгиллилик фаолияти ва жамоатчилик ташаббуслари ҳақида фикр ва таклифлар алмашилди. Ёшлар экологик маданиятни оширишга қаратилган лойиҳаларда иштирок этиш бўйича ўз қарашларини билдирдилар.