ЎЭП Марказий Кенгаши Ижроия қўмитаси томонидан Ўзбекистон давлат жаҳон тиллари университетида «Оилаларда «яшил» истеъмол маданияти ва соғлом турмуш тарзини ривожлантириш» мавзусида давра суҳбати ўтказилди.

Унда Олий Мажлис Қонунчилик палатаси депутатлари, партия вакиллари, «Оила ва гендер» илмий тадқиқот институти ходимлари, ўқитувчи ҳамда талабалар иштирок этишди.

Тадбирда Экологик партиянинг мақсад ва вазифалари, сайловолди дастурининг жойлардаги ижроси тўғрисида маълумотлар берилди. Шунингдек, «Ёшларни оилавий ҳаётга тайёрлашда «яшил» истеъмол маданияти ва соғлом турмуш тарзини шакллантиришнинг ўрни» ҳамда «Яшил истеъмол ва инсон онги: одатларни ўзгартириш психологияси» мавзусида маърузалар тингланди.

Қизиқарли савол-жавобдан сўнг фаол иштирок этган талабаларга партиянинг эсдалик совғалари топширилди.