ЎЭП Хоразм вилоят кенгаши ҳамда Урганч шаҳар партия ташкилоти, «Ёш экологлар» қаноти фаоллари томонидан Урганч давлат педагогика институти педагоглари ва талабалари иштирокида «12 май – Экологик таълим куни», «15 май – Халқаро иқлим куни» муносабати билан давра суҳбати ўтказди.

Тадбирда инсон ва табиат ўртасидаги мувозанатни сақлаш, атроф-муҳитни муҳофаза қилиш ва биохилма-хилликни асраш учун экологик таълим муҳим аҳамиятга эга эканлиги тўғрисида сўз юритилди. Болалар ва ёшларда табиатга эҳтиром, ресурсларни тежаш ва чиқиндиларни тўғри бошқариш каби одатларни шакллантириш бугунги куннинг долзарб вазифаси экани таъкидланди.