Самарқанд туманида яшовчи фуқаро Африка шери боласини туманнинг Оқбўйро маҳалласи ҳудудидаги дала ҳовлиларнинг бирига яширишга урингани маълум бўлди.

Ўтказилган экорейд тадбири давомида шер боласи дала ҳовлининг сим тўсиғига боғлаб кетилган ҳолда топилди. Унга биринчи ёрдам кўрсатилиб, вақтинча сақлаш учун вилоят кинология марказига олиб борилди ҳамда алоҳида парваришга олиниб, тиббий кўрикдан ўтказилди.

Айни пайтда ушбу қонунбузарлик юзасидан тегишли ҳужжатлар расмийлаштирилиб, вилоят прокуратураси томонидан ҳолатга ҳуқуқий баҳо берилмоқда.