Айни кунларда мамлакатимиз бўйлаб ғалла ўрим-йиғими қизғин давом этмоқда. Афсуски айрим ҳудудларда сомон поялари ва бошқа қишлоқ хўжалиги чиқиндиларини далаларда ёқиш ҳолатлари тез-тез кузатилмоқда.

Бу каби нохуш ҳолатларнинг олдини олиш мақсадида ЎЭП Сурхондарё вилоят кенгаши ҳамда вилоят Экология бошқармаси ходимлари ҳамкорлигида Термиз туманидаги «Янги ариқ элита уруғи» фермер хўжалигида ғалладан бўшаган ерларда ўт ёқмаслик бўйича тарғибот-ташвиқот ишлари ўтказилди.

Тадбир давомида фермер хўжалиги ходимларига, фермер хўжалиги майдони яқинида яшовчи фуқароларга бундай ҳаракатлар учун белгиланган маъмурий жавобгарлик ҳамда унинг тупроқ ҳосилдорлиги ва инсон саломатлигига етказадиган зарарлари тўғрисида атрофлича маълумотлар берилди.