ЎЭП Шаҳрисабз туман кенгашига тумандаги Чоршанби маҳалласида яшовчи Шаҳноза Абдуллаева оғзаки мурожаат қилиб, Чоршанби озиқ-овқат деҳқон бозори ҳудудида чиқиндилар ноқонуний ташлаб кетилаётганини айтди.

Партия фаоллари ушбу ҳолатни ўрганиш учун бозор ҳудудида бўлишди. Ўрганиш ишларига бозор маъмурияти ҳамда тегишли мутасадди ташкилот вакиллари чақирилди.

Аниқланган ҳолатлар бўйича бозор масъуллари огоҳлантирилди. Чиқиндилар атроф-муҳитга зарар келтираётгани айтилди.

Шу куни бозор атрофидаги чиқиндилар тозаланиб, ташиб кетилди. Сотувчи ва харидорлар чиқиндиларни белгиланмаган жойларга ташламаслик бўйича радиоузел орқали мунтазам хабардор қилинмоқда.