2025 йил учун белгиланган Ҳаракатлар стратегиясининг 66-банди ижроси доирасида ЎЭП Наманган вилоят кенгаши ташаббуси билан Чуст ва Косонсой туманларида жойлашган маиший чиқинди полигонларининг экологик ва санитар ҳолати ўрганилди.

Партиянинг вилоят кенгаши ҳамда «Чиқинди полигонларини бош­қариш дирекцияси» давлат муассасасининг Наманган вилоят ҳудудий бош­қармаси вакиллари иштирокида чиқинди полигонларидаги ҳолат атрофга қанчалик зарар етказаётгани атрофлича таҳлил этилди. Ишчи гуруҳ томонидан полигонларнинг ер майдони, рекультивация ҳолати, йиғилган чиқиндилар ҳажми, санитария талабларига риоя этилиши, мавжуд муаммолар ҳамда уларни бартараф этиш юзасидан таклиф ва тавсиялар ишлаб чиқилди.

Ушбу ташаббус чиқинди полигонлари фаолиятини самарали назорат қилиш, экологик хавфсизликни таъминлаш ва аҳоли саломатлигини муҳофаза қилишга қаратилган муҳим қадамлардан биридир.