Сурхондарё вилояти Термиз шаҳрининг «Тупроққўрғон» маҳалласидаги оқава сув тизимида юзага келган муаммо ижтимоий тармоқларда кенг муҳокамага сабаб бўлди.

Ушбу масала бартараф этиш мақсадида ЎЭП Сурхондарё вилоят кенгаши вакиллари ҳамда тегишли мутасадди ташкилотлар ходимлари томонидан жойига чиқиб ўрганилди. Аниқланишича, маҳалланинг Бобоқўрғон кўчасида жойлашган 115 метр узунликдаги канализация қувури эскириб, яроқсиз ҳолга келган ва бу аҳоли учун жиддий ноқулайликлар туғдираётган эди.

Партия фаолларининг саъй-ҳаракати билан мутасадди ташкилотлар томонидан тезкор чоралар кўрилди: эски қувур тўлиқ янгисига алмаштирилиб, канализация тизими тикланди.

Шу билан фуқаролар мурожаати ижобий ҳал этилди ва мавжуд муаммо бартараф этилди.