ЎЭП Андижон вилоят кенгаши ташаббуси билан Хўжаобод туманида жойлашган Хидирша маҳалласининг маиший чиқинди полигони экологик ва санитар ҳолати ўрганилди.

Мониторинг жараёнида партия вакиллари, маҳаллий Кенгаш депутатлари ҳамда «Чиқинди полигонларини бошқариш дирекцияси» ДУК Андижон ҳудудий филиали мутасаддилари иштирок этди.

Ишчи гуруҳ томонидан полигон майдонининг ҳолати, рекультивация ишлари, чиқиндиларнинг умумий ҳажми, санитария меъёрларига риоя этилиши, мавжуд экологик муаммолар ва уларни бартараф этиш бўйича таклиф ва тавсиялар ўрганиб чиқилди.

Бир қатор камчиликлар аниқланиб, келгусида полигон фаолиятини экологик талабларга мувофиқлаштириш, атроф-муҳитга салбий таъсирни камайтириш ҳамда аҳоли саломатлигини муҳофаза қилишга қаратилган чоралар ишлаб чиқилди.