ЎЭП Сирдарё вилоят кенгаши вакиллари «Табиатсевар инсонларнинг шижоатли меҳнати» лойиҳаси доирасида Сайхунобод тумани «Иттифоқ» маҳалласида истиқомат қилувчи 88 ёшли Ҳайитали Аҳмедов хонадонида бўлдилар.

Меҳнатсевар отахон ўз ҳовлисида анор, олма, узум каби мевали дарахтлар, шунингдек, қовун, тарвуз, ошқовоқ каби полиз экинларини етиштириб келмоқда. Ҳайитали ота нафақат табиатга меҳр билан қарайди, балки фарзандлари ва набираларига ҳам экологик маданиятни сингдиришга ҳаракат қилмоқда.

Табиатсевар инсондан боғдорчилик тажрибалари, сувни тежаш бўйича қўллаётган усуллари ҳамда табиий ўғитлардан фойдаланиш амалиёти ўрганилди.

Отахоннинг яшил ҳаёт тарзи ва атроф-­муҳитга масъулиятли муносабати экологик маданиятни шакллантиришда ибратли намуна бўла олади.