Пешку туманидаги дам олиш масканларидан бирида туман партия ташкилоти ташаббуси билан «Долзарб 90 кун» лойиҳаси доирасида «Она табиат менинг нигоҳимда» мавзусида маданий-маърифий тадбир ташкил этилди.

Тадбир савол-жавоб тарзида олиб борилди. Иштирокчиларга экология, табиатни муҳофаза қилиш, яшил ҳудудларни кўпайтириш, иқлим ўзгариши ва унинг оқибатлари ҳақида долзарб мавзуларда саволлар берилди.

Фаол қатнашиб, тўғри жавоб берган иштирокчиларга эсдалик совғалари топширилди.