ЎЭП Жиззах вилоят кенгаши томонидан 2025 йилга мўлжалланган «Ҳаракатлар режаси»га мувофиқ, Жиззах гарнизонидаги ҳарбий қисм ва сафарбарлик чақируви резерви ҳарбий хизматчилари иштирокида «Ўзбекистоннинг экологик ташаббуслари БМТ эътирофида» мавзусида семинар ташкил этилди.

Тадбирда 150 нафардан ортиқ ҳарбий хизматчи иштирок этди.

Экопартия вакиллари томонидан экологик муаммолар, уларнинг глобал миқёсдаги оқибатлари, шунингдек, Ўзбекистоннинг иқлим ўзгаришига қарши курашишдаги саъй-ҳаракатлари ҳақида батафсил маълумотлар берилди. Хусусан, БМТ доирасида Ўзбекистон илгари сурган экологик ташаббусларнинг долзарблиги ва халқаро миқёсда қўллаб-қувватланаётгани алоҳида таъкидланди.

Семинар интерфаол шаклда ташкил этилиб, ҳарбий хизматчилар ўзларини қизиқтирган саволлар билан мурожаат қилишди ва мутахассислардан атрофлича жавоблар олишди.