Пайшанба
23-Июл 2026
Сўнгги йилларда дунё эътиборини тортган энг йирик муаммолардан бири – иқлим ўзгариши. Атроф-муҳитнинг ифлосланиши, табиий ресурсларнинг камайиши ва биохилма-хилликнинг йўқолиши нафақат сайёрамиз, балки инсон тақдири учун ҳам хавотирли қўнғироқ сифатида янграмоқда.
Ўзбекистонда эса бу таҳдидларга жавобан давлат сиёсати даражасида кенг қамровли экологик ислоҳотлар олиб борилмоқда.
Ўзбекистон Президентининг ташаббуслари ва давлат дастурларидаги йўналишларга мувофиқ, мамлакатимизда «яшил таълим» тизимига асос солинди. Хусусан, 2025 йилгача ҳар бир ҳудудда экологик йўналишдаги техникумлар ташкил этилиб, улар Марказий Осиё атроф-муҳит ва иқлим ўзгаришини ўрганиш университетига бириктириш белгиланган эди.
Сирдарё вилоятида бундай техникум сифатида Боёвут туманида жойлашган собиқ 2-сон политехникум танланди. Унинг атрофида экологик таълимга йўналтирилган амалий марказ – дендрология боғини ташкил этишга киришилди. Бу нафақат таълим жараёни, балки маҳаллий экологик муҳит учун ҳам катта имкониятдир.
«Яшил» техникум фаолияти доирасида ўқув-амалий базани янада ривожлантириш мақсадида Экология, атроф-муҳитни муҳофаза қилиш ва иқлим ўзгариши вазирлигининг талабномасига асосан техникумдан 3 км масофадаги ҳудудда ботаника ёки дендрология боғини ташкил этиш учун зарур ер майдони ажратилди.
Бу лойиҳа нафақат амалий машғулотларни ташкил этиш, балки ўқувчиларда экологик маданиятни шакллантириш, илмий тадқиқотларга қизиқиш уйғотиш ва уларни иқлим ўзгариши шароитида барқарор ечимлар топишга йўналтиришга хизмат қилади. Қолаверса, бу ерда талабалар томонидан экологик мониторинг, яъни тупроқ, сув, ҳаво сифати, биохилма-хилликни кузатиш ва таҳлил қилиш ишларини йўлга қўйиш кўзланган.
Ажратилган ер майдонида яратилган дендрология боғи «яшил» техникум ўқувчилари учун жонли лаборатория вазифасини ўтайди. Бу ерда ўқувчилар иқлимга мос ўсимликларни парваришлаш, тупроқ, сув ва ҳаво сифати бўйича мониторинг ишларини олиб бориш ҳамда ландшафт дизайни, агрономия, фитопатология соҳаларида амалий кўникмага эга бўлишади.
Бир сўз билан айтганда Боёвутда ташкил этилган «яшил» техникум – экологик билим ва амалиёт уйғунлигини таъминловчи, мамлакатнинг «яшил» келажагини шакллантирувчи муҳим марказга айланмоқда.
Жасурбек ОМОНОВ,
«Юксалиш» ҳаракати Сирдарё вилояти
ҳудудий бўлинмаси бош мутахассиси
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
Кўзларимни юмиб, хаёлан ортга – болалик йилларимга қайтаман. Сурхон воҳасининг қиру адирлари, тошдан тошга сакраб юрган қирғовуллар, шилдираб оқаётган зилол булоқлар. Ва улар орасида менга ҳамиша болалигимни эслатиб турадиган бир ҳид бор: кавракнинг ўзига хос ўткир ифори. Бу ҳид ҳозир ҳам хаёлларимда жонланганда, тоғ гулларининг иси билан аралашиб димоғимга урилади.
