Ғиждувон туманидаги «Болалар сайёраси» оромгоҳида «Она табиатни асраймиз» шиори остида уч авлод учрашуви бўлиб ўтди.

Тадбирда экологик тарбия, миллий қадриятлар ва табиатга меҳр туйғуларини уйғунлаштирган «Эко тафаккур» интерактив ўйинлари ўтказилди.

Нуроний отахонлар табиатни асраш, экологик маданият ҳамда табиий ресурслардан оқилона фойдаланиш борасидаги тажриба ва билимларини ёш авлодга содда, ҳаётий мисоллар орқали етказишди.

Оромгоҳ тарбияланувчилари томонидан саҳналаштирилган экологик мавзудаги кўринишлар, куй ва қўшиқлар эса тадбирга ўзига хос руҳ бағишлаб, болажонларнинг табиатга бўлган меҳр-муҳаббатини ёрқин ифодалаб берди. Экологик саволларга тўғри жавоб берган ва ўйинларда фаол қатнашган иштирокчиларга эсдалик совғалари топширилди.