Олий Мажлис Қонунчилик палатаси депутати, Ўзбекистон Экологик партияси фракцияси раҳбари ўринбосари Ойбек Раҳимов иштирокида Бухоро шаҳридаги «Зармед» университетида ёшлар билан учрашув бўлиб ўтди.

Учрашув давомида ёшларга партиянинг мақсади ва вазифалари, сайлов тизими, депутат ва унинг мақоми, атроф-муҳит борасидаги миллий қонунчилик, ёшларнинг жамият тараққиётидаги ўрни ҳамда бу борада олиб борилаётган давлат сиёсатининг устувор йўналишлари ҳақида маълумотлар берилди.

Тадбир самимий ва очиқ мулоқот тарзида ўтди. Ёшлар экологик сиёсат, атроф-муҳит муҳофазаси, қонунчиликдаги янгиликлар бўйича ўз билимларини бойитдилар.