ЎЭП Андижон вилоят кенгаши томонидан «Боғишамол» болалар оромгоҳида «Она табиатни асраш» шиори остида экологик-маърифий тадбир ўтказилди.

Оромгоҳ тарбияланувчилари учун экологик ўйинлар, викториналар ташкил этилиб, саҳна кўринишлари, расмлар кўргазмаси, шеър ва қўшиқлар намойиш этилди. Тадбир болажонларда табиатга меҳр, эътибор ва масъулият ҳиссини кучайтиришда аҳамиятлидир.

Фаол иштирокчиларга партия томонидан «Табиат ҳимоячиси» ёрлиғи ва эсдалик совғалари топширилди.