ЎЭП Бухоро вилоят кенгаши раиси ҳамда халқ депутатлари вилоят Кенгаши депутати С.Сиддиқова иштирокида Ғиждувон туманининг «Биёсин» маҳалласида сайловчилар билан учрашув ўтказилди.

Мулоқот давомида депутат фуқароларнинг бандлик масалаларига алоҳида эътибор қаратди, уларнинг таклиф ва мулоҳазаларини тинглади. Кичик бизнес ҳамда касаначилик йўналишида тадбиркорликни йўлга қўйиш имкониятлари, мавжуд шароит ва давлат томонидан кўрсатилаётган имтиёзлар ҳақида батафсил маълумот берди.

Учрашув якунида С.Сиддиқова кам таъминланган оилалар вакилларини моддий қўллаб-қувватлаш мақсадида бир неча фуқарога тадбиркорлик фаолиятини бошлашлари учун зарур жиҳозларни топширди. Шунингдек, бир аёлга тикув машинаси берилди.