Партия ташаббуси билан ёшлар ўртасида экологик билим ва саводхонликни ошириш, жамоавий ишлаш кўникмаларини ривожлантириш ҳамда иқтидорли ёшларни рағбатлантириш мақсадида «Эко интеллект» номли заковат турнири ташкил этилди.

Унда Тошкент кимё-технология институтининг «Ёш кимёгарлар», Самарқанд давлат ветеринария медицинаси, чорвачилик ва биотехнологиялар университети Тошкент филиалининг «Luky team», Тошкент давлат аграр университетининг «Agrar junior», шунингдек Республика ёш олимлар Кенгашининг «Миллат олималари» жамоалари турнирда ўз билим ва салоҳиятларини намойиш этишди.

Беллашув давомида иштирокчилар экологик соҳадаги долзарб масалалар бўйича саволларга жавоб бериб, муаммоларга ечим таклиф этиш, жамоавий фикрлаш ва тезкор қарор қабул қилиш бўйича беллашишди. Бу эса уларнинг фаол тафаккури ва билим савиясини янада юксалтиришда муҳим омил бўлди.

Камолиддин РЎЗИМАТОВ тайёрлади.