Ўзбекистон Экологик партияси ташаббуси билан 29 август куни ўтказиладиган веломарафонни юқори савияда ўтказиш мақсадида Фарғона шаҳрида ҳамкор ташкилотлар иштирокида йиғилиш бўлиб ўтди.

Давлат раҳбарининг жорий йил 15 майдаги «2030 йилгача бўлган даврда аҳолининг экологик маданиятини юксалтириш концепциясини тасдиқлаш тўғрисида»ги қарори ижроси доирасида мустақиллигимизнинг 34 йиллиги муносабати билан Фарғона шаҳрида веломарафон спорт мусобақаси ўтказилиши режалаштирилган эди.

ЎЭП Марказий Кенгаши раиси ўринбосари Исломжон Қўчқоров, Фарғона вилояти ҳокими ўринбосари Шерзод Полвонов ва бошқа ҳамкор ташкилотлар вакиллари иштирок этган йиғилишда ушбу спорт мусобақасини байрамона ва кўтаринки руҳда ўтказиш бўйича вазифалар белгилаб олинди.

Веломарафон профессионал спортчилар, ҳаваскорлар, нуронийлар, ёшлар ва параспортчилар каби алоҳида йўналишлар бўйича ўтказилади.