Душанба
15-Декабр 2025
Бугун, йўқолиб кетиш хавфи остида турган ёввойи фауна ва флора турларининг халқаро савдоси тўғрисидаги конвенция (CITES CoP20) иштирокчилари конференциясининг 20-йиғилиши очилишига 100 кун қолганида Ўзбекистон «CITES 50 йиллиги Самарқандда: табиат ва инсонлар ўртасидаги кўприк» номли тадбирнинг расмий шиорини эълон қилди.
Бу шиор икки хил рамзийликни – Конвенциянинг 50 йиллигини ҳамда Самарқанднинг цивилизациялар, маданиятлар ва табиатни муҳофаза қилиш борасидаги саъй-ҳаракатлар чорраҳаси сифатидаги беқиёс ролини акс эттиради.
«CITES CoP20» 2025 йил 24 ноябрдан 5 декабргача Самарқанд шаҳрида фан, ҳуқуқ, атроф-муҳитни муҳофаза қилиш ва халқаро савдо бўйича минглаб мутахассисларни, шунингдек, бутун дунёдан ҳукуматлар, ҳукуматлараро ва нодавлат ташкилотлар, хусусий сектор ва ёшлар тармоқлари вакилларини бирлаштиради.
Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов танланган шиор замирида чуқур маъно борлигини таъкидлади:
«Бу фақат шиор эмас. У бизнинг келажакдаги қарашларимизни ифодалайди, яъни табиатни асрашга инсонлардан алоҳида эмас, балки улар билан биргаликдаги умумий йўл сифатида қаралиши керак. Самарқанд Шарқ ва Ғарбни асрлар давомида боғлаб келган қадимий анъанаси билан, CITESнинг 50 йиллик йўлини таҳлил қилиш ва унинг келажакдаги режаларини шакллантириш учун энг мос жой бўлади».
CITES Бош котиби Ивонн Игеро эса қуйидагиларни таъкидлади:
«Биз CITES орқали халқаро ҳамкорликда ярим асрлик фаолиятни нишонлаётганимизда, ушбу шиор CITESнинг руҳи ва унинг ролини тўлиқ ифодалайди: CITES 184 та мамлакат ва Европа Иттифоқини бирлаштирган ҳолда, инсонлар ва ёввойи табиат ўртасида ўзаро уйғунликни таъминлайди, фан ва сиёсатни бирлаштиради ҳамда ҳайвонлар ва ўсимлик турларини келажак авлодлар учун сақлаб қолади».
Ўзбекистон «CITES CoP20» мезбони сифатида глобал биохилма-хиллик кун тартибига ўз ҳиссасини қўшиш мажбуриятини яна бир бор тасдиқлади. Илгари тақдим этилган конференция логотипи Самарқанд меъморий мероси билан табиий тимсоллар – архар (тоғ қўйлари) ва родиола семёнова (rhodiola semenovii) доривор ўсимлиги уйғунлашгани учун эътирофга сазовор бўлди.
Самарқанд шаҳрида ўтказиладиган «CITES CoP20» Ўзбекистоннинг атроф-муҳитни муҳофаза қилиш соҳасидаги халқаро мавқеини оширади, илмий ва институционал ҳамкорликни мустаҳкамлайди ҳамда бутун дунё эътиборини Марказий Осиёнинг ноёб флора ва фаунасига қаратади.
Экология вазирлиги Матбуот хизмати
Иқтисодиётни юксалтириш, аҳоли турмушини яхшилаш, озиқ-овқат хавфсизлигига эришиш фидокорона ва машаққатли касб эгалари – деҳқон, фермер, боғбон, чорвадор, сувчи, агроном ва механизаторлар меҳнати орқали барпо этилади. Уларнинг матонатли меҳнати туфайли эл дастурхони ҳамиша тўкис бўлади.
Батафсил
«Иссиқ жоннинг иситмаси бор» деганларидек бирор енгилроқ хасталик етса дарров дорихонага югурамиз ва сотувчининг маслаҳати билан ҳам укол-дорилар олиб келиб қўшни ҳамширани чақирамиз.
Батафсил
Қорақалпоғистон Республикасида жойлашган «Жанубий Устюрт» миллий табиат боғида ҳар йили куз ва баҳор мавсумида қушлар, ҳайвонлар ва ўсимликларнинг соноғи амалга оширилади.
Батафсил
Иқтисодиётни юксалтириш, аҳоли турмушини яхшилаш, озиқ-овқат хавфсизлигига эришиш фидокорона ва машаққатли касб эгалари – деҳқон, фермер, боғбон, чорвадор, сувчи, агроном ва механизаторлар меҳнати орқали барпо этилади. Уларнинг матонатли меҳнати туфайли эл дастурхони ҳамиша тўкис бўлади.
«Иссиқ жоннинг иситмаси бор» деганларидек бирор енгилроқ хасталик етса дарров дорихонага югурамиз ва сотувчининг маслаҳати билан ҳам укол-дорилар олиб келиб қўшни ҳамширани чақирамиз.
Қорақалпоғистон Республикасида жойлашган «Жанубий Устюрт» миллий табиат боғида ҳар йили куз ва баҳор мавсумида қушлар, ҳайвонлар ва ўсимликларнинг соноғи амалга оширилади.
CITES иштирокчи давлатларининг 20-конференцияси доирасида «Табиат лойиҳалари: биохилма-хилликни сақлаш учун ўрмонларнинг экологик таснифи» мавзусида параллель тадбир ўтказилди.
Ўз вазифамга кўра қўриқхона ҳудудини назорат қилиб айланиб юрарканман, икки томонини бутазорлар қоплаган тор сўқмоқлардан бирида икки ноёб қушнинг қанотларини кенг ёйиб рақсбоп ҳаракатлар қилаётганини кўриб қолдим. Панароққа ўтиб дурбинда эътибор билан кузатдим. Бу ер юзида тобора камайиб бораётган ноёб йўрға тувалоқ экан.
