Чоршанба
29-Октябр 2025
Саноат корхоналари мамлакатда иқтисодий тараққиётнинг бош омили саналади. Уларда минглаб элдошларимиз меҳнат қилар экан, биринчи навбатда ўз оиласи фаровонлигини таъминлаётганидан мамнун, албатта.
Бироқ бундай корхоналарнинг атроф-муҳит ва экологик мувозанат барқарорлигига жиддий хавф солиш эҳтимоли йўқ эмас. Шу боисдан ҳам Ўзбекистон Экологик партиясидан сайланган депутатлар атроф-муҳитга зарарли таъсир этиши мумкин бўлган саноат корхоналари фаолияти, улардан табиатга етказиладиган салбий таъсирларни камайтириш чоралари устидан доимий жамоатчилик назоратини олиб бормоқда.
Яқинда ижтимоий тармоқларда Навоий шаҳри ва Кармана тумани ҳудудида чангсимон тутун тарқалаётгани ҳақида хабарлар кенг муҳокамага сабаб бўлган эди.
Мавжуд ҳолатни ўрганиш мақсадида Ўзбекистон Экологик партиясидан Маҳаллий кенгашларга сайланган депутатлардан иборат ҳамда «Юксалиш» ҳаракати Навоий вилояти ҳудудий бўлинмаси иштирокида ишчи гуруҳ тузилди. Мазкур ишчи гуруҳ томонидан Навоий шаҳри ҳамда Кармана тумани ҳудудида фаолият юритаётган, атроф-муҳитга таъсири бўйича 1- ва 2- тоифали саноат корхоналари ва тадбиркорлик субъектларида депутатлик ва жамоатчилик назорати асосида ўрганиш ишлари олиб борилди.
Ўрганишлар натижалари Ўзбекистон Экологик партияси депутатлик гуруҳи ҳамда Аграр, сув хўжалиги ва экология масалалари бўйича доимий комиссияси томонидан халқ депутатлари Навоий вилоят Кенгаши йиғилиши муҳокамасага киритилди. Фаоллар фақат бу билан чекланиб қолганлари йўқ. Улар ушбу масалани халқ депутатлари Навоий вилоят Кенгашининг навбатдаги сессияси кун тартибига киритишга муваффақ бўлдилар.
Халқ депутатлари Навоий вилоят Кенгашининг навбатдаги сессиясида эса чангсимон тутун сабабларини ўрганиш якунлари тўғрисидаги масала юзасидан ўртага ташланган таклифлар инобатга олинди. Сессия ишида «Навоийазот» АЖ атрофига шунингдек, Навоий шаҳри ва Кармана тумани ҳудудларига сертификатланган атмосфера ҳавоси сифатини автоматик мониторинг қилиш станциялари ўрнатишни ташкил этиш бўйича қарор қабул қилинди.
Ушбу сессия қарори ижросини таъминлаш мақсадида «Навоийазот» АЖ томонидан жамоатчилик вакиллари иштирокида стационар постларни ўрнатиш ишлари бошлаб юборилгани вилоятда партия депутатлик гуруҳининг таъсири ошиб бораётганига яққол мисолдир.
Алижон ЖАЛИЛОВ,
ЎЭП Навоий вилоят кенгаши раиси
Саноат корхоналари мамлакатда иқтисодий тараққиётнинг бош омили саналади. Уларда минглаб элдошларимиз меҳнат қилар экан, биринчи навбатда ўз оиласи фаровонлигини таъминлаётганидан мамнун, албатта.
Батафсил
Виртуал сув маҳсулотни ишлаб чиқариш жараёнида ишлатилган, лекин кўзга кўринмайдиган сув миқдоридир.
Батафсил
Сирдарёда экологик ислоҳотлар бўйича эшитувда сув ресурсларини тежаш ва амалий натижалар босқичи бошлангани муҳокама қилинди.
Батафсил
Саноат корхоналари мамлакатда иқтисодий тараққиётнинг бош омили саналади. Уларда минглаб элдошларимиз меҳнат қилар экан, биринчи навбатда ўз оиласи фаровонлигини таъминлаётганидан мамнун, албатта.
Виртуал сув маҳсулотни ишлаб чиқариш жараёнида ишлатилган, лекин кўзга кўринмайдиган сув миқдоридир.
Сирдарёда экологик ислоҳотлар бўйича эшитувда сув ресурсларини тежаш ва амалий натижалар босқичи бошлангани муҳокама қилинди.
Бу 350 минг аҳолини тоза сув билан таъминлайди
Экология, атроф-муҳитни муҳофаза қилиш ва иқлим ўзгариши вазирлиги дала ва аҳоли пунктларида хазон, шох-шаббалар ёки ўсимликларнинг бошқа қолдиқларини ёқиб юбормаслик тўғрисида огоҳлантирди.
