Экология, атроф-муҳитни муҳофаза қилиш ва иқлим ўзгариши вазирлиги томонидан

2025 йил декабрь ойида

мамлакатимиздаги боғ, сайилгоҳ, дарахтзор, яшил воҳалар ўртасида «Яшил замин яратувчилари» эко-марафони анъанавий кўрик-танлови ўтказилади.

Кўрик-танлов

24 ноябрь – 12 декабр кунлари

туман (шаҳар) ҳамда

15-19 декабрда ҳудудий

 (Қорақалпоғистон Республикаси, вилоятлар ва Тошкент шаҳар) босқичларда ўтказилиб, боғ, сайилгоҳ, дарахтзор, яшил воҳалар номидан мазкур манзилларда жойлашган умумтаълим мактаб­ларидан шакллантирилган (8 кишидан иборат) жамоалар иштирок этади.

Кўрик-танлов

3 та шарт асосида

бўлиб ўтади. Биринчи шарт – «Экология билимдони»да экологияга оид ўнта савол берилади. Иккинчи шартда иштирокчилардан танлов бошлангунига қадар чиқиндилар тўғрисида мақолалар чиқариш талаб қилинади. Учинчи шартда эса жамоалар пайванд­лаш борасидаги билим ва кўникмаларини амалда кўрсатиб беришлари лозим. Барча шартлар жамоанинг боғи, сайилгоҳи, дарахтзори, яшил воҳаларига бориб баҳоланади.

Эко-марафон ёшларнинг «яшил» иқтисодиёт йўналишидаги интеллектуал салоҳиятини ошириш, жамоа билан ишлаш кўникмасини шакллантириш ҳамда экология ва атроф-муҳитни асрашга бўлган эътиборни кучайтиришга хизмат қилади.