Пайшанба
23-Июл 2026
Мамлакатимиз муҳофаза ҳудудларида ёввойи табиат вакилларининг эмин-эркин ҳаёт кечираётгани биологик турлар асраб-авайланаётгани ва уларга етарлича ғамхўрлик кўрсатилаётгани белгисидир.
Худди шундай ноёб йиртқич қушлардан бири – сариқ сор Экология ва иқлим ўзгариши миллий қўмитаси тасарруфидаги Зарафшон миллий табиат боғи ҳудудида олиб борилган кузатув жараёнида қайд этилди.
Сариқ сор қарчиғайсимонлар оиласига мансуб, Ўрта Осиёда энг кўп тарқалган йиртқич қуш турларидан биридир. Танаси жигарранг, қўнғир ва сарғиш бўлади, қанотлари очиқ рангдалиги билан ажралиб туради. Ўтроқ ҳолда яшайди, дашт, яримчўл ва чўл зонасида уялайди. Март охирида ёки апрелда тухум қўяди ва 2-5 тагача бола очади. Тоғли ҳудудларда, текисликларда ва ҳайдаладиган ерларда ҳам яшайди.
Сариқ сор юмронқозиқ, қумсичқон, дала сичқони ва бошқа кемирувчилар, типратикан, майда қушлар, тошбақалар, калтакесаклар, илонлар билан озиқланади. Бу қуш экологик мувозанатни сақлашда муҳим бўғин ҳисобланади.
2018 йилда ташкил этилган Зарафшон миллий табиат боғи Самарқанд вилоятининг Жомбой ва Булунғур туманлари ҳудудида, Зарафшон дарёсининг ўнг қирғоғида жойлашган. Ҳудудда 21 турдаги балиқлар (3 тури Ўзбекистон Қизил китобига киритилган), 13 турдаги судралиб юрувчилар (5 тури «Қизил китоб»да), 243 турдаги қушлар (32 тур «Қизил китоб»да), 25 турдаги сутэмизувчилар (4 тури «Қизил китоб»да) учрайди.
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
Кўзларимни юмиб, хаёлан ортга – болалик йилларимга қайтаман. Сурхон воҳасининг қиру адирлари, тошдан тошга сакраб юрган қирғовуллар, шилдираб оқаётган зилол булоқлар. Ва улар орасида менга ҳамиша болалигимни эслатиб турадиган бир ҳид бор: кавракнинг ўзига хос ўткир ифори. Бу ҳид ҳозир ҳам хаёлларимда жонланганда, тоғ гулларининг иси билан аралашиб димоғимга урилади.
