Якшанба
19-Апрел 2026
Бразилиянинг Кампу-Гранди шаҳрида бўлиб ўтаётган Ёввойи ҳайвонларнинг кўчиб юрувчи турларини сақлаш тўғрисидаги конвенциянинг 15-Конференцияси (CMS COP15) доирасида кўчиб юрувчи турлардан ноқонуний фойдаланишни камайтиришга қаратилган Глобал ташаббус (GTI) ишга туширилди.
Мазкур ташаббус биохилма-хилликни сақлашдаги энг долзарб муаммолардан бири – кўчиб юрувчи турларни ноқонуний ва барқарор бўлмаган тарзда олиб қўйиш муаммосини ҳал этишга қаратилган. Бу ҳолат, аввало, ички фойдаланиш, жумладан, ов қилиш, тутиб олиш ва маҳаллий савдо билан боғлиқ. CMS конвенцияси маълумотларига кўра, ушбу омил унинг иловаларига киритилган кўплаб турлар учун жиддий хавф туғдиради.
GTI ташаббуси CMS конвенцияси доирасида амалга оширилади ва комплекс ёндашувни назарда тутади. У қонунчиликни такомиллаштириш, мониторинг тизимларини ривожлантириш, маҳаллий ҳамжамиятларни жалб этиш ҳамда аҳолининг хабардорлик даражасини оширишни ўз ичига олади. Ўзбекистон ушбу ташаббусни қўллаб-қувватлади ва уни амалга оширишда иштирок этаётган давлатлар қаторига қўшилди.
Тадбир давомида Ўзбекистон томонидан кўчиб юрувчи турларни ноқонуний олиб қўйиш муаммосининг долзарблиги ҳамда халқаро ҳамкорликни кучайтириш зарурлиги таъкидланди. Шунингдек, Ўзбекистон ҳудудидаги сайғоқ, жайрон, қулон ва қор қоплони каби кўчиб юрувчи турларни муҳофаза қилиш миллий ва трансчегаравий даражада мувофиқлаштирилган ҳаракатларни талаб қилиши қайд этилди.
Ҳайвонот дунёсини асраш борасидаги ҳуқуқбузарликлар учун жавобгарликни кучайтириш бўйича кўрилаётган чораларга алоҳида эътибор қаратилди. Ўзбекистон, шунингдек, халқаро ҳамкорлар билан амалий ҳамкорлик қилишга ҳамда Марказий Осиё минтақасида табиатни муҳофаза қилиш бўйича ҳамкорликни ривожлантиришга тайёр эканини тасдиқлади.
Сирдарё вилояти Ховос туманида бугун табиат билан инсон ўртасидаги азалий боғлиқлик яна бир бор ўз ифодасини топмоқда. «Яшил макон» умуммиллий лойиҳаси доирасида амалга оширилаётган ишлар нафақат табиатга яшил либос кийгизмоқда, балки одамлар ҳаётига умид, хонадонларга барака олиб кирмоқда.
Батафсил
Нурота тоғ тизмаларини гумбурлатиб қўшиққа солган Эргаш Жуманбулбул ўғли Қўшработ туманининг Қўрғон қишлоғида туғилиб, вояга етган. Жўш воҳаси дея тарифланадиган бу жой кейинги йилларда янада обод бўлаётир. Эргаш Жуманбулбул ўғлининг уй-музейи янгиланган бинода ўз фаолиятини бошлади. Эргаш шоирнинг уй-музейини кўргани келувчилар сезиларли даражада ошди.
Батафсил
«Яшил макон» умуммиллий лойиҳаси доирасида юртимизнинг барча ҳудудларида миллионлаб кўчатлар экилиб, яшил майдонлар кенгаймоқда.
Батафсил
Сирдарё вилояти Ховос туманида бугун табиат билан инсон ўртасидаги азалий боғлиқлик яна бир бор ўз ифодасини топмоқда. «Яшил макон» умуммиллий лойиҳаси доирасида амалга оширилаётган ишлар нафақат табиатга яшил либос кийгизмоқда, балки одамлар ҳаётига умид, хонадонларга барака олиб кирмоқда.
Нурота тоғ тизмаларини гумбурлатиб қўшиққа солган Эргаш Жуманбулбул ўғли Қўшработ туманининг Қўрғон қишлоғида туғилиб, вояга етган. Жўш воҳаси дея тарифланадиган бу жой кейинги йилларда янада обод бўлаётир. Эргаш Жуманбулбул ўғлининг уй-музейи янгиланган бинода ўз фаолиятини бошлади. Эргаш шоирнинг уй-музейини кўргани келувчилар сезиларли даражада ошди.
«Яшил макон» умуммиллий лойиҳаси доирасида юртимизнинг барча ҳудудларида миллионлаб кўчатлар экилиб, яшил майдонлар кенгаймоқда.
Шаҳарларимиз жадал ривожланиб, янги бино ва иншоотлар кўпаяётган бир пайтда, табиат билан уйғунликни ва ҳаво мусаффолигини сақлаш эҳтиёжи ҳар қачонгидан ҳам ортиб бормоқда. Бундай шароитда бизга шунчаки манзарали кўчатлар эмас, балки шаҳарнинг нафас олишини таъминлайдиган чинакам «ўпка»лар керак.
Маълумки, дунё миқёсида энг долзарб экологик масалалардан бирига айланиб бораётган муаммо бу – чиқиндилар. Таҳлилларга кўра, сўнгги йилларда маиший ва саноат чиқиндиларининг йилдан-йилга ортаётгани ер юзидаги экологик барқарорликка салбий таъсир кўрсатмоқда.
