Пайшанба
23-Июл 2026
Шаҳарсозлик ва экологик мувозанат уйғунлиги — соғлом турмуш тарзининг гарови. Қўқон шаҳрининг «Райҳон» маҳалласида узоқ йиллар давомида эътибордан четда қолиб, ташландиқ ҳолга келган ҳудуднинг янги қиёфа касб этиши бу борадаги хайрли ишларнинг узвий давоми бўлди.
Ўзбекистон Экологик партияси Марказий Кенгаши Ижроия қўмитаси раиси Абдушукур Ҳамзаевнинг тавсиясига кўра, мазкур ҳудудда янги яшил майдон барпо этиш ташаббуси илгари сурилди. Ушбу таклиф нафақат партия фаоллари, балки маҳаллий Кенгаш депутатлари, ёш эконазоратчилар ва маҳалла аҳли томонидан кенг қўллаб-қувватланиб, қисқа муддатда амалий ҳаракатларга кўчди.
Ҳамкорликда олиб борилган ҳашарлар ва ободонлаштириш ишлари натижасида ҳудуд чиқиндилардан тозаланиб, ландшафт дизайн асосида тартибга келтирилди. Янги ташкил этилган «Умуммиллийлик боғи»га ҳудуднинг иқлим шароитига мос бўлган сара манзарали ва мевали дарахт кўчатлари экилди.
«Бир вақтлар кишининг дилини хира қиладиган ташландиқ майдон бугун маҳалладошларимиз учун нафас оладиган «яшил ўпка»га айланди. Бу боғ шунчаки дарахтзор эмас, балки аҳолининг экологик маданиятини юксалтириш ва ёш авлод қалбида табиатга дахлдорлик ҳиссини уйғотадиган маърифат маскани бўлади. Эндиги вазифамиз – ушбу ниҳолларни кўз қорачиғидек асраб, тизимли суғориш ва парваришлаш ишларини йўлга қўйиш», – дейишди маҳалла фаоллари ушбу лойиҳани эътироф этар экан.
Эндиликда «Умуммиллийлик боғи»даги ҳар бир дарахт парвариши жамоатчилик назорати остида бўлади.
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
Кўзларимни юмиб, хаёлан ортга – болалик йилларимга қайтаман. Сурхон воҳасининг қиру адирлари, тошдан тошга сакраб юрган қирғовуллар, шилдираб оқаётган зилол булоқлар. Ва улар орасида менга ҳамиша болалигимни эслатиб турадиган бир ҳид бор: кавракнинг ўзига хос ўткир ифори. Бу ҳид ҳозир ҳам хаёлларимда жонланганда, тоғ гулларининг иси билан аралашиб димоғимга урилади.
