Шу кунларда юртимизда бўлиб ўтаётган «Китобсевар миллат» шиори остида Республика «Китобхонлик ҳафталиги» ёшлар орасида китобхонликни кенг тарғиб қилишга қаратилган.

 Ҳафталик доирасида Яккабоғ туманида ташкил қилинган бир қатор тадбирлар ёшларнинг китобхонликка бўлган қизиқиш ва интилишини янада оширмоқда. Айниқса, Абдулла Қодирий таваллудининг 128 йиллиги муносабати билан «Ўтган кунлар» асари муҳокамаси, «Мен севган эртак қаҳрамони» расмлар танлови, «Энг яхши китобхон таълим муассасаси» кўрик-танлови ҳамда «Зукко китобхон» интеллектуал  ўйинлари ёшларнинг китобсеварлик иштиёқини яққол намоён этди.

Ўзбекистон Экологик партияси Яккабоғ туман Кенгаши ўқувчи ёшлар билан бир қаторда маҳаллалардаги уюшмаган ёшларни ҳам мазкур тадбирларга кенг жалб этишда ташаббус кўрсатишмоқда. Тумандаги имконияти чекланган ёшларга яқиндан ёрдам ва китобхонлик хизматлари кўрсатиш билан уларни ҳам бошқа тенгдошлари сафига жалб этишяпти.