Икки ёки ундан ортиқ тилни бирдай яхши биладиган болакайлар бошқа тенгқурларига қараганда у ёки бу масалага осон ва тезроқ ечим топа олади, деган хулосага келди Конкордия университети тадқиқотчилари.

Тадқиқотларда аниқланишича, билингвист-болалар (икки ёки ундан кўпроқ тилни биладиган)нинг ҳаётдаги имкониятлари ҳам сезиларли юқори бўлади. Уларда фақат битта тилда гапирадиганларга қараганда, психологик назорат кучлироқ ривожланган бўлади. Айниқса, 1-3 ёшли бир нечта тилни биладиган болакайлар фақат битта тилда сўзлашадиган тенгдошларидан сезиларли фарқланиб туради. Бунга сабаб, миянинг мунтазам равишда гоҳ у-гоҳ бу тилга «созланавериши» экан. Натижада уларда диққат ошади, фикрни жамлаш кучаяди ва болакай ўзи билган тилларда фикрини бемалол ифода эта олади. «Асосийси, кейинчалик бундай болакайларга кенг имкониятлар эшиклари очилади», дейди тадқиқотчилар.

Муҳиддин МАЛЛАБОЕВ

тайёрлади.