Хабарингиз бор, янги йил байрами муносабати билан 2025 йил 20 декабрдан 2026 йилнинг 10 январига қадар республика бўйлаб «Долзарб 20 кунлик» тозалик тадбирлари ўтказилди.

Тадбир давомида санитар тозалаш корхоналари томонидан барча маҳалла ва аҳоли яшаш ҳудудларини озода сақлаш, байрам кунлари чиқиндилар тўпланиб қолишининг олдини олиш мақсадида қаттиқ маиший чиқиндилардан тозаланди.

Жумладан, 20 кун давомида:

– тозалаш ишларига 106 та санитар тозалаш корхонаси жалб этилди;

– 9 452 та МФЙ ҳудудлари тозаланди;

– жаёнларга 134 525 нафар ходим ҳамда 39 346 та махсус техника сафарбар қилинди;

– ҳудудлардан 334 982 тонна қаттиқ маиший чиқинди олиб чиқиб тозаланди.

Таъкидлаш жоизки, бу каби тозалик тадбирлари атроф-муҳитни тоза сақлаш ва ҳудудларда экологик вазиятни янада яхшилашда муҳим аҳамият касб этади.

Экология ва иқлим ўзгариши

миллий қўмитаси матбуот хизмати