— Айрим чет эл мамлакатларида иссиқлик электр станцияларидан воз кечилиб, табиий жараёндан — масалан, шамолдан электр энергия олишга ўтилган. Бу атроф-муҳит зарарланишининг олдини олишда самарали усул ҳисобланади. Бизда ҳам шамол ёрдамида электр ишлаб чиқаришнинг иложи борми?

Ҳошимжон КОМИЛОВ,

Андижон вилояти

— Юртимизда кучли шамоллар эсмайди. Мамлакатимиз, асосан, қуёшли ўлка саналади. Йиллар давомида тажрибалар ўрганилиб, Тошкент вилоятига 750 мегаваттли ветроустановка (шамол ҳайдайдиган мослама) ўрнатилди. Афсуски, бу ҳамма жойда ҳам ижобий самара бермайди. Узлуксиз электр энергияси ишлаб чиқариш учун доимий шамол эсиб туриши керак. Бу синов тариқасида амалга оширилди.

Яқин келажакда табиий жараён орқали олинадиган электр қувватни 20 минг мегаваттга етказиш ниятидамиз. Бунинг учун хорижий тажрибага кўра, ўзимизда ҳам шундай яшил маскан яратиш кўзда тутилган. Жиззах, Самарқанд вилоятларида қуёшдан энергия оладиган станциялар ишга туширилган. Бу ҳали бошланиши. Секин-аста бу борада ҳам кенг кўламли ишлар олиб борилади.

Саволга «Ўзбекгидроэнерго» акциядорлик  жамияти бўлим бошлиғи

Абдулазиз ЗОКИРОВ

жавоб берди.