қандай жорий этилади?

Ҳаммамиз дўкону бозорлардан қулай нархларда сифатли маҳсулот харид қилишни истаймиз. Кўпчилик «Ҳалол» ёрлиғи остидаги озиқ-овқат маҳсулотларига қизиқиш билдиради. Сўнгги пайтларда хорижда ҳам бундай маҳсулотларнинг харидори кўпаймоқда.

— Ички ҳамда ташқи бозор учун чиқарилаётган «Ҳалол» ёрлиғи остидаги маҳсулотларнинг барчасини сертификатлаштириш кўзда тутилган, — дейди «Ўзбек-Турк Тест Маркази» қўшма корхонаси бош директори Музаффархон ҲАМРАЕВ. — Шу мақсадда тегишли ташкилотлар билан биргаликда жиддий иш олиб борилмоқда. Мазкур жараёнда энг аввало, маҳсулот сифати ва кўринишига жиддий эътибор қаратилади.

— Бу борада қандай ишлар қилинди?

— Энг аввало, сертификатлаштириш тизимини янада такомиллаштириш ҳамда тадбиркорларга қулайлик яратиш мақсадиди «Ўзстандарт» агентлиги ва Турк стандартлари институти (ТСИ) иштирокида замонавий стандарт талабларига жавоб берувчи мазкур қўшма корхонага асос солинди. Корхона фаолият бошлагач, тадбиркорларнинг иши олға силжиди, даромади ортди. Қўшма корхонадаги маҳсулотларни сертификатлаштириш бўлими, сифатни бошқариш тизимларини сертификатлаштириш бўлими, маҳсулотларни синаш лабораториялари сўнгги русумдаги ускуналар билани жиҳозланди.

— Бундай янгиланишлар маҳсулот сифатига ижобий таъсир этадими?

— Албатта. Негаки, шу пайтга қадар корхоналарда эскирган, муддати ўтган ускуналардан фойдаланиб келинаётган эди. Бу ҳолга кескин барҳам берилди. Қатор корхоналар халқаро аккредитациядан ўтказилиб, янги ускуналар билан таъминлангандан кейин иш суръати кескин ошди. Уларда тайёрланаётган маҳсулотлар хорижга экспорт қилинмоқда.

«Оила даврасида» мухбири

Улуғбек ЖУМАЕВ

ёзиб олди.