Пайшанба
23-Июл 2026
Сифатсиз, истеъмолга яроқсиз маҳсулотларнинг савдо расталарига қай йўллар билан келиб қолиши кўпчиликни қизиқтиради, албатта. Негаки, ҳаммамиз харид қилган маҳсулотимиз сифатли ва хавфсиз бўлишини хоҳлаймиз. Бунга асосий сабаб сифатида ишлаб чиқарилган маҳсулотлар стандартлар билан таъминланмаганини кўрсатиш мумкин.
— Энг аввало, ички бозорда савдога чиқарилаётган маҳсулотларнинг сифатли ёки сифатсизлиги устидан доимий назоратни йўлга қўйиш ва хавфсизликни таъминлашга жиддий эътибор зарур, — дейди «Ўзстандарт» агентлиги бош директори Абдуҳамид КАРИМОВ. — Бироқ афсуски, сифати паст, экологик ҳамда жаҳон стандарти талабларига жавоб бермайдиган маҳсулотлар барибир учрамоқда. Бундан биринчи навбатда истеъмолчилар азият чекади.
«Ўзстандарт» агентлиги маълумотига қараганда, биргина 2017 йилда 141 миллиард 547 миллион сўмлик миқдордаги маҳсулотларнинг яроқсизлиги аниқланган. Шундан 109 миллиард сўмлиги импорт товарларидир. Ташвишга соладиган жиҳати сифатсиз маҳсулотларнинг 31,6 миллиард сўмлиги республикамизнинг ўзида ишлаб чиқарилган. Олиб борилган саъй-ҳаракатлар натижасида бундай товарлар ички бозорга чиқарилишининг олди олинди.
— Ўтган йили агентлигимиз Тошкент шаҳри ва вилоятининг мавжуд савдо шохобчаларида сотилаётган сут ва сут маҳсулотлари, колбаса, ичимлик сув, болалар озиқаси, какао ҳамда шарбат сингари озиқ-овқат товарларининг назорат харидини амалга оширди, — дейди Абдуҳамид Каримов. — Бундай озиқ-овқат маҳсулотлари тури эллик олтитани ташкил этди. Текширувларга кўра, асосан, сут ва сут маҳсулотлари меъёрий ҳужжат талабларига умуман жавоб бермаслиги аён бўлди. Ўн саккиз турдаги шу сингари маҳсулотлар сифат ва хавфсизлик кўрсаткичлари бўйича ҳам номувофиқ бўлиб чиқди.
— Сифатсиз маҳсулотлар ичида болалар ўйинчоқлари ҳам бор экан?
— Афсуски, шундай. Ўз манфаатини ўйлаб, даромад орттириш пайидаги «учар»ларни бу келажагимиз эгалари бўлмиш болалар ўйинчоғи экани ҳам қизиқтирмайди. Текшириш чоғида беш турдаги болалар ўйинчоқларининг ҳам талабларга мос келмаслиги аниқланди.
— Харид чоғи истеъмолчи нимага эътибор қаратиши лозим?
— Аввало, ҳар қандай маҳсулот харидида эътиборли ва талабчан бўлиш керак. Истеъмолчи маҳсулотнинг яроқлилик муддатига, сақланиш ҳолати, қадоқланиши ва сифатига эътибор қаратиши лозим.
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Батафсил
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Батафсил
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Батафсил
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Бугунги кунда саноат корхоналарида ишлаб чиқариш жараёнларини модернизация қилиш нафақат иқтисодий самарадорлик, балки атроф-муҳит мусаффолигини сақлаш нуқтаи назаридан ҳам ўта долзарб аҳамият касб этмоқда.
Ёшларни техникумларга кенг жалб этиш, таълим сифатини ошириш, меҳнат бозори талабларига мос кадрлар тайёрлаш ва таълим муассасалари фаолияти самарадорлигини ошириш бугунги куннинг энг долзарб масалаларидан биридир.
