Пайшанба
23-Июл 2026
Аҳоли кўпайгани сари уй-жой, озиқ-овқат, ер масаласи долзарб муаммога айланади. Бу эса, ўз навбатида, бўш ерлардан самарали ва оқилона фойдаланишни талаб этади. Хўш, бу борада бугун мамлакатимизда қандай муаммолар мавжуд? Уларни бартараф этиш учун зарур чоралар кўриляптими?
— Мамлакатимиздаги барча ерларни хатловдан ўтказишда эндиликда замон талабларига мос, энг сўнгги замонавий ускуналардан фойдаланилади, — дейди Ўзбек давлат ер тузиш илмий-лойиҳалаш институти «Ўздаверлойиҳа» бош директори Руҳиддин ТЎРАЕВ. — Авваллари фақат қишлоқ хўжалиги ерлари (пичанзор ва яйлов кабилар) хатловдан ўтказиб келинган. Оқибатда, ер ресусларини хатловдан ўтказиш ва ҳисоб-китобини йўлга қўйиш ишлари тизимли ташкил этилмаган.
— Эндиликда ер ресурсларини хатловдан ўтказиш қандай йўлга қўйилади?
— Ўзбекистон Республикаси Вазирлар Маҳкамасининг 2018 йил 23 апрелдаги «Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлари тўғрисида»ги қарори қабул қилинди. Мазкур қарорга биноан, 2018 — 2021 йилларда янги тартиб асосида, замонавий технологияларни жалб қилган ҳолда, космик суратлар ва дронлар ёрдамида ер ресурсларини аниқлаш белгиланган. Вилоятлар ва туманлар чегараларининг координаталар каталоги ишлаб чиқилади ва рақамли чегараси белгиланади. Жойларда чегара бўйича келиб чиқаётган муаммолар тўлиқ бартараф этилади. Республикадаги барча ерлар тўлиқ хатловдан ўтказилади. Ер ҳисоби электрон кўринишда доимий янгиланиб борилади.
— Электрон хариталар қай тартибда йўлга қўйилади?
— Ривожланган мамлакатлар каби бизда ҳам онлайн ҳисобот юритиш йўлга қўйилади. Космик суратлардан фойдаланган ҳолда барча ер турларининг электрон рақамли харитаси яратилади. Хатлов натижаларига кўра, ягона ер маълумотлар базасининг геопортали ишлаб чиқилади. Бунинг натижасида фермер хўжаликлари ўзининг ер майдонлари тўғрисидаги барча маълумотларни исталган вақтда интернет орқали олишлари мумкин. Шу билан бирга, мулоқот дарчаси ҳам шаклланади. Шу тариқа республикамиздаги барча ерлар тўғрисидаги маълумотлар базаси шаклланишига эришилади.
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Батафсил
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Батафсил
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Батафсил
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Бугунги кунда саноат корхоналарида ишлаб чиқариш жараёнларини модернизация қилиш нафақат иқтисодий самарадорлик, балки атроф-муҳит мусаффолигини сақлаш нуқтаи назаридан ҳам ўта долзарб аҳамият касб этмоқда.
Ёшларни техникумларга кенг жалб этиш, таълим сифатини ошириш, меҳнат бозори талабларига мос кадрлар тайёрлаш ва таълим муассасалари фаолияти самарадорлигини ошириш бугунги куннинг энг долзарб масалаларидан биридир.
