Пайшанба
23-Июл 2026
Бугун шиддат билан ўзгариб бораётган замонда банкка иши тушадиган фуқарога замонавий ва тезкор хизмат зарур. Шундагина мижоз бундай молия муассасасидан мамнун бўлади, кўнгли тўлади. Пировардида аҳолида банк тизимига ишонч ва қизиқиш ортади.
Хўш, бунга эришиш учун айни пайтда банклар ўз фаолиятига қандай янгиликларни татбиқ этмоқда? АТБ «Қишлоқ қурилиш банк» томонидан ўтказилган матбуот анжуманида мазкур банк тизимида олиб борилаётган ишлар хусусида сўз борди.
— Президентимизнинг 2018 йил 23 мартдаги «Банк хизматлари оммабоплигини ошириш бўйича қўшимча чора-тадбирлар тўғрисида»ги қарорига мувофиқ, айни пайтда масофавий банк хизматлари кўрсатишни ривожлантириш бўйича замонавий ва илғор банк хизматлари турларини амалиётга жорий этиш, банк фаолиятининг халқаро тажрибасини ўрганиш ҳамда тизимга инновацион технологияларни жорий этишга киришдик, — дейди АТБ «Қишлоқ қурилиш банк»нинг Банк тизимини ахборотлаштириш департаменти бошлиғи ўринбосари Улуғбек ИСЛОМОВ. — Аҳамиятлиси, ушбу жараёнда замонавий ахборот-технологиялари жорий қилингач, масофавий хизматлар кўлами кенгайиб боряпти.
— Бу айнан қандай масофавий хизматлар?
— Булар «Интернет банкинг», «Мобиль банкинг» ва «SMS-банкинг» сингари хизматларни ўз ичига олади. Улар ёрдамида мижоз вақтини тежаш, маблағини тезкор тасарруф этиш имконига эга бўлади. Қолаверса, иқтисодий самарадорлик ошиб, меҳнат ресурслари тежаб қолинади. Ушбу хизматлардан ҳам юридик, ҳам жисмоний шахслар бирдек фойдаланиши мумкин. Хизматларга уланиш бепул.
— «Онлайн-омонат» тизими ҳақида қисқача тушунтириш берсангиз?
— Бунинг учун «Депозит банкинг» дастурий тизими ишлаб чиқилган. Мижоз бу тизимдан ўз омонатлари ҳақида тўлиқ маълумот олиши мумкин.
— «Қишлоқ қурилиш банк» автокредит ҳам тақдим этаётган экан?
— Ҳа, бунга киришилди. Мазкур кредитни олиш учун фуқаронинг паспорти ва ишлаётган жойидан маълумотнома талаб қилинади, холос. Қолаверса, шартлари анча соддалаштирилди. Автокредит тўрт йилга, йигирма икки фоизли устама билан берилади. Олти ойлик имтиёз даври бор.
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Батафсил
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Батафсил
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Батафсил
Ер қаърини муҳофаза қилиш, экология ва саноат хавфсизлигини таъминлаш масаласи Ўзбекистон Экологик партияси дастурий мақсадларида алоҳида кўзда тутилган. Партиядан сайланган депутатлар томонидан ушбу йўналишда доимий жамоатчилик ва депутатлик назорати олиб борилмоқда.
Бугунги кунда дунёда энергия ресурсларига бўлган эҳтиёж ортиб бормоқда. Табиий газ, нефть ва кўмир каби анъанавий ёқилғилардан ортиқча фойдаланиш эса экологик муаммоларни янада кучайтиради. Шу сабабли қайта тикланувчи энергия манбаларига қизиқиш тобора кучайиб бораяпти. Бу борада истиқболли йўналишлардан бири бўлган биогаз технологияси алоҳида аҳамиятга эга.
Бугунги ҳаётимизни пластик пакетларсиз тасаввур қилиш қийин. Улар енгил, арзон ва қулай. Аммо ҳар бир қулайликнинг ўз баҳоси бор.
Бугунги кунда саноат корхоналарида ишлаб чиқариш жараёнларини модернизация қилиш нафақат иқтисодий самарадорлик, балки атроф-муҳит мусаффолигини сақлаш нуқтаи назаридан ҳам ўта долзарб аҳамият касб этмоқда.
Ёшларни техникумларга кенг жалб этиш, таълим сифатини ошириш, меҳнат бозори талабларига мос кадрлар тайёрлаш ва таълим муассасалари фаолияти самарадорлигини ошириш бугунги куннинг энг долзарб масалаларидан биридир.
