2018 йилнинг 16 ноябрдан маълум бир тоифа шахсларга автомобиль бензини сотиб олишга кетадиган харажатларнинг бир қисми учун ойлик пул компенсацияси тўланади.

Компенсация олиш ҳуқуқига эга шахслар рўйхати:

– уруш қатнашчилари ва уларга тенглаштирилган шахслар;

– уруш фахрийлари ва уларга тенглаштирилган шахслар;

– меҳнатда майиб бўлиш ва касб касаллиги туфайли I ва II гуруҳ ногиронлари;

– I ва II гуруҳ болаликдан ногиронлар.

Компенсация миқдори 1 ойга —  66 минг 700 сўм.

Компенсацияни тайинлаш учун пенсиялар ва нафақаларни тайинлайдиган органларга қуйидаги ҳужжатлар тақдим этилади:

 ариза;

 паспорт нусхаси;

 имтиёзга бўлган ҳуқуқи тўғрисидаги гувоҳнома нусхаси (уруш қатнашчилари ва ногиронлари ҳамда уларга тенглаштирилган шахслар учун);

 тиббий-меҳнат эксперт комиссиясининг маълумотномаси нусхаси (меҳнатда майиб бўлиш, касб касаллиги туфайли ногиронлар ва болаликдан ногиронлар учун);

 автомототранспортнинг техник паспорти нусхаси;

 ҳайдовчилик гувоҳномаси нусхаси ёки Иккинчи жаҳон уруши ногирони билан доимий бирга яшайдиган ва у билан бир тураржой майдонида рўйхатдан ўтган оила аъзосининг ҳайдовчилик гувоҳномаси, паспорти нусхалари ва у томонидан автомототранспорт воситасидан фойдаланиш ҳуқуқига ишончнома.

Нархи қанчага оширилади?

2018 йил 16 ноябрдан истеъмол солиғини ҳисобга олган ҳолда автобензин ва дизель ёқилғиси чакана нархлари қуйидагича белгиланди:

■ Аи-80 автобензинга – 4 000 сўм/литр;

■ Аи-91 автобензинга – 4 500 сўм/литр;

■ дизель ёнилғисига – 4 800 сўм/литр;

■ ЭКО дизель ёнилғисига – 4 900 сўм/литр.