Темир йўл чипта кассаларида чипта сотиб олишда қуйидаги шахслар ва давлат хизматчилари устунлик ҳуқуқига эга:

■ 10 ёшгача болали йўловчилар;

■ йўлланма билан санаторий-курорт даволанишига бораётган 10 ёшдан катта касал болаларни кузатиб бораётган йўловчилар;

■ тасдиқланган телеграф чақируви билан кетаётган шахслар;

 Президент Администрацияси ва Вазирлар Маҳкамасининг масъул ходимлари;

 ИИВ, ДХХ, темир йўлларда юк ва йўловчилар ташиш хавфсизлигини назорат қилиш давлат инспекцияси, прокуратура, фавқулодда вазиятлар вазирлиги, адлия вазирлиги ходимлари;

 хизмат кўрсатиш ҳудудлари доирасида ёки хизмат сафари гувоҳномаларида кўрсатилган станцияларгача хизмат ишлари юзасидан кечиктириб бўлмайдиган йўлга чиқишларда тиббиёт ходимлари, ветеринария ва санитария назорати ходимлари;

 авария ёки ёнғинни бартараф этиш учун сафарбар қилинган «Саноатгеоконтехназорат» давлат инспекцияси, «Ўздавнефтгазинспекция», газ назорати, газ, кимё, нефть, нефтни қайта ишлаш ва нефть-кимё саноати, геология хизматчилари.