Санскрит тилида зарчава зиравори «инсон жисмидан қуртларни туширувчи», «тери рангини ва танани тиниқлаштирувчи», «осмондек чиройли ва мусаффо» маъноларини бериши айтилган.

Зарчава ичак йўлларини кераксиз шиллиқ моддалардан тозалайди, лойқаланган микрофлорани янчиб, ичак йўлларининг меъёрдаги флорасини мустаҳкамлайди, овқат ҳазмини яхшилайди, ошқозон, ичак йўллари ва ошқозоности бези фаолиятини меъёрда бўлишини таъминлайди.

Қон айланиш тизимини даволашда қўл келади (қон айланишини яхшилайди, фойдали бўлган эрит­роцитлар шаклланишига ёрдам беради ва зарарли бўлган тромбоцитларни камайтиради), модда алмашинувини меъёрига келтиради, иммунитетини мустаҳкамлайди. Зарчава эритмасидан йўғон ичак саратонига қарши курашда муваффақиятли фойдаланилади.

Зарчава – бу табиий антибиотик. Шамоллашга қаршилик кўрсатувчи ҳамда антисептик кучли воситадир. У бемор ҳароратини туширади ва йўтални йўқотади. Шунинг учун тунги уйқуга ётиш олдидан ёки эрталаб наҳорга ундан ичиш фойдалидир.

Шамоллаш (ҳарорат кўтарилиши ва йўтал)да зарчавани асал билан 1:1 нисбатда, баравар миқдорда аралаштириб, ярим чой қошиғидан уч маҳал истеъмол қилинади.

Томоқ оғриғидан тузалиш учун ярим чой қошиғи зарчава ва ярим чой қошиғи тузни 200 мл илиқ сувда аралаштириб, ғарғара қилинади; фарингитда сизга ярим чой қошиғида зарчава ва 1 чой қошиғида асал аралашмасини кунига 3-5 маҳал оғизда бир неча дақиқа ушлаб туриш яхши фойда беради.

muxlis.uz