Жума
31-Октябр 2025
Куни кеча Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилиши бўлиб ўтди.
Унда фракция аъзолари томонидан «Ўзбекистон Республикасининг айрим қонун ҳужжатларига корхоналар, ташкилотлар, иншоотлар ва бошқа объектлар фаолиятини чеклаш, тўхтатиб туриш юзасидан қарор қабул қилиш мезонларини белгилашга қаратилган ўзгартириш ва қўшимчалар киритиш тўғрисида»ги қонун лойиҳаси биринчи ўқишда муҳокама қилинди.
Таъкидланганидек, сўнгги йилларда мамлакатимизда экологик ҳолатни яхшилаш, аҳоли пунктларини кўкаламзорлаштириш, яшил майдонларни кенгайтириш, санитария ва экологик ҳолат сифатини ошириш орқали инсонлар соғлиғини муҳофаза қилиш бўйича комплекс чора-тадбирлар амалга оширилмоқда.
Кўрилаётган чора-тадбирларга қарамасдан қурилиш, саноат ишлаб чиқариш ва урбанизация кўламининг кенгайиши табиатга чиқариладиган ташламаларнинг ортишига ҳамда аҳоли пунктларига тушаётган экологик ва ижтимоий юкламанинг ошишига олиб келмоқда. Шундан келиб чиқиб, соҳанинг ҳуқуқий асосларини янада мустаҳкамлаш мақсадида мазкур қонун лойиҳаси ишлаб чиқилди.
Қонун лойиҳаси билан атроф табиий муҳитнинг меъёридан ортиқча даражада ифлосланиши натижасида фуқароларнинг ҳаёти ва соғлиғига хавф юзага келишининг олдини олиш муносабати билан корхоналар, ташкилотлар, иншоотлар ва бошқа объектлар фаолиятини вақтинча чеклаш ҳамда тўхтатиб туришга доир қоидалар бегиланмоқда.
Йиғилишда фракция аъзолари ушбу қонун лойиҳаси Ўзбекистон Экологик партиясининг дастурий мақсад ва вазифаларига тўла мос келишини таъкидлаб, белгиланаётган нормалар мамлакатимизда экологик ҳолатни янада яхшилаш, фуқаролар саломатлигини таъминлаш, аҳоли учун хавфсиз муҳитни шакллантириш имконини яратишга хизмат қилишини алоҳида қайд этди.
Қизғин муҳокамалардан сўнг қонун лойиҳаси депутатлар томонидан қўллаб-қувватланди.
Йиғилиш кун тартибига киритилган бошқа масалалар ҳам атрофлича кўриб чиқилиб, фракциянинг тегишли қарори қабул қилинди.
Жиззах шаҳрида «Яшил келажак сари» шиори остида ўтган йирик экологик тадбир – Ёшлар Экофоруми нафақат вилоят, балки бутун республика миқёсида экологик онгни ошириш, илмий ёндашувларни тарғиб қилиш ва амалий ҳаракатларни бирлаштиришга қаратилган муҳим қадам бўлди.
Батафсил
Экология вазирлиги Тошкент шаҳри ва Тошкент вилоятида атмосфера ҳавоси ифлосланишининг олдини олиш бўйича янги чора-тадбирларни ишлаб чиқди. Тегишли қарор лойиҳаси ҳозирда Ўзбекистон Республикаси Вазирлар Маҳкамаси томонидан кўриб чиқилмоқда.
Батафсил
ЮНЕСКО Бош конференциясининг 43-сессияси муносабати билан Самарқанд шаҳри Қорасув масканидаги «Янги Ўзбекистон» боғи яқинида 5 гектар майдонда «ЮНЕСКО боғи» ташкил этилади.
Батафсил
Жиззах шаҳрида «Яшил келажак сари» шиори остида ўтган йирик экологик тадбир – Ёшлар Экофоруми нафақат вилоят, балки бутун республика миқёсида экологик онгни ошириш, илмий ёндашувларни тарғиб қилиш ва амалий ҳаракатларни бирлаштиришга қаратилган муҳим қадам бўлди.
Экология вазирлиги Тошкент шаҳри ва Тошкент вилоятида атмосфера ҳавоси ифлосланишининг олдини олиш бўйича янги чора-тадбирларни ишлаб чиқди. Тегишли қарор лойиҳаси ҳозирда Ўзбекистон Республикаси Вазирлар Маҳкамаси томонидан кўриб чиқилмоқда.
ЮНЕСКО Бош конференциясининг 43-сессияси муносабати билан Самарқанд шаҳри Қорасув масканидаги «Янги Ўзбекистон» боғи яқинида 5 гектар майдонда «ЮНЕСКО боғи» ташкил этилади.
Бугун кўчаларимизда, боғ ва маҳаллаларда ободонлаштириш ишлари авжида. Бу манзара ўтмишдаги гўзал анъаналарни ёдга солади.
Мамлакатимизда жорий йилнинг июнь-июль ойларида учта веб-платформа ва бир нечта ижтимоий тармоқ ўрганилганда 17 турдаги – жами 1300 дан ортиқ ҳайвонлар таклиф қилинган 544 та онлайн эълон қайд этилган.
