Шанба
06-Июн 2026
Бугунги экологик жараёнлар дунёнинг барча ҳудудлари учун бирдай эътиборли бўлиб келмоқда. Айниқса, трансчегаравий масалаларни ижобий ҳал қилишда давлатлараро экологик муносабатлар ва ҳамкорлик катта аҳамият касб этади. Қозоғистоннинг «Байтақ» яшиллар партияси вакилларининг Ўзбекистон Экологик партияси Марказий Кенгашига ташрифи ана шундай манфаатли учрашувлардан бири бўлди.
«Байтақ» яшиллар партияси раиси Азаматхан Амиртаев бошчилигидаги меҳмонлар дастлаб Ўзбекистон Экологик партияси Марказий Кенгаши Ижроия қўмитаси раиси Абдушукур Ҳамзаев билан учрашди. Қисқа мулоқотдан сўнг меҳмонлар партия биноси ва ходимларга яратилган шарт-шароитлар билан таништирилди.
«Байтақ» яшиллар партияси вакиллари Ўзбекистонда экология ва атроф-муҳитни муҳофаза қилишга қаратилаётган эътибор, партия биносида яратилган шароитлар ҳақида илиқ фикрлар билдиришди.
Шунингдек, Ўзбекистон Экологик партияси Марказий Кенгаши Ижроия қўмитасида Қозоғистоннинг «Байтақ» яшиллар партияси вакиллари билан халқаро экологик ҳамкорлик масалаларига бағишланган учрашув ўтказилди. Унда Ўзбекистон Экологик партияси Марказий Кенгаши раиси Абдушукур Ҳамзаев, «Байтақ» яшиллар партияси раиси Азаматхан Амиртаев ҳамда иккала партия вакиллари иштирок этди.
Учрашувда минтақадаги экологик муаммоларга қарши курашиш, чўлланишнинг олдини олиш, Орол денгизининг қуриган тубида яшил ҳудудларни барпо этиш бўйича ўзаро тажриба алмашиш масалалари муҳокама қилинди. «Байтақ» яшиллар партияси вакиллари Ўзбекистонда экологик барқарорликни таъминлаш, чўлланишга қарши курашиш борасида олиб борилаётган ишлар, «Яшил макон» умуммиллий лойиҳаси доирасидаги тадбирларни юксак баҳолади.
Учрашувдан сўнг Ўзбекистон Экологик партияси ва Қозоғистоннинг «Байтақ» яшиллар партияси вакиллари иштирокида «Яшил макон» умуммиллий лойиҳаси доирасида кўчат экиш тадбири ўтказилди.
Икки партия вакиллари кўчат экиш жараёнида сувли ва чўллашган ҳудудларга экиладиган кўчатлар ва уларни парваришлаш бўйича агротехник қоидалар борасида тажриба алмашишди.
ЎЭП Марказий кенгаши
Матбуот хизмати
Бугунги кунда жаҳон иқтисодиёти чуқур трансформация босқичини бошдан кечирмоқда. Геосиёсий ўзгаришлар, таъминот занжирларидаги узилишлар, рақамли технологиялар ва сунъий интеллектнинг жадал ривожланиши давлатлар олдига мутлақо янги вазифаларни қўймоқда.
Батафсил
Самарқанд яна бир халқаро мулоқот майдонига айланди. «Silk Road Samarkand» мажмуасида ўз ишини бошлаган «Eco Expo Central Asia 2026» халқаро экологик кўргазмаси нафақат экологлар ва инвесторларни, балки минтақанинг барқарор ривожланиш истиқболларига бефарқ бўлмаган минглаб мутахассисларни бир жойга жамлади.
Батафсил
Мамлакатимизда амалга оширилаётган кенг кўламли ислоҳотларнинг асл мазмун-моҳияти чекка ҳудудлар, айниқса, маҳаллалар ҳаётида яққол бўй кўрсатмоқда.
Батафсил
Бугунги кунда жаҳон иқтисодиёти чуқур трансформация босқичини бошдан кечирмоқда. Геосиёсий ўзгаришлар, таъминот занжирларидаги узилишлар, рақамли технологиялар ва сунъий интеллектнинг жадал ривожланиши давлатлар олдига мутлақо янги вазифаларни қўймоқда.
Самарқанд яна бир халқаро мулоқот майдонига айланди. «Silk Road Samarkand» мажмуасида ўз ишини бошлаган «Eco Expo Central Asia 2026» халқаро экологик кўргазмаси нафақат экологлар ва инвесторларни, балки минтақанинг барқарор ривожланиш истиқболларига бефарқ бўлмаган минглаб мутахассисларни бир жойга жамлади.
Мамлакатимизда амалга оширилаётган кенг кўламли ислоҳотларнинг асл мазмун-моҳияти чекка ҳудудлар, айниқса, маҳаллалар ҳаётида яққол бўй кўрсатмоқда.
Бугунги глобал ўзгаришлар даврида атроф-муҳитни муҳофаза қилиш масаласи бутун дунёда тобора долзарб аҳамият касб этмоқда. Иқлим ўзгариши, ҳаво ва сувнинг ифлосланиши, табиий ресурсларнинг камайиб бориши инсон ҳаёти ва келажагига жиддий хавф туғдирмоқда.
– Наврўзбек Муқимжонович, мана, сиз халқ орасида бўлиб, инсонлар билан суҳбатлашасиз. Бугунги кунда фуқаролар Олий Мажлис Қонунчилик палатаси депутатлари фаолиятидан қай даражада қаноат ҳосил қилишяпти? Шу ҳақда халқнинг, сайловчиларнинг фикрлари билан қизиқиб кўрганмисиз?
