3 январь куни соат 8:00 да Тошкент ҳавосидаги РМ 2,5 дисперс заррачаларининг миқдори (0,001 дан 2,5 микрометргача) 67,5 мкг/м3ни ташкил этди, бу Жаҳон соғлиқни сақлаш ташкилоти тавсияларидан 18,7 баробар (5 мкг/м3) кўп. Бу ҳақда «Ўзгидромет» автоматик ҳаво мониторинги станциялари маълумотларига таяниб хабар берди.

Тонг саҳар соат 4:00 да бу кўрсаткич «Ўзгидромет» ҳудудида (Юнусобод тумани) 87,5 мкг/м3ни ташкил қилди. Ҳаво сифати мониторинги веб-сайтидаги бошқа станциялардан маълумотлар мавжуд эмас.

2 январь соат 20:00 да РМ 2,5 кўрсаткичи 38,7 мкг/м3 ёки ЖССТ тавсияларидан 7,7 баравар юқори бўлди, шу куни соат 8:00 да – 45,9 мкг/м3ни (9,1 марта) ташкил этди.

Кеча соат 8:00 да РМ10 зарраларининг таркиби 112,2 мкг/м3ни ташкил этди, у СанЭҚваН 0293-11 (500 мкг/м3) бўйича рухсат этилган максимал концентрациядан ошмади.

Маълум қилинишича, СО углерод оксиди (автомобиллар ва саноат корхоналари чиқиндилари) 1,9 мг/м3ни ташкил этди, бу ҳам СанЭҚваН 0293-11 (5 мг/м3) бўйича рухсат этилган максимал концентрациядан ошмади.