Сешанба
21-Апрел 2026
Уйимизни қай даражада тоза сақласак, табиат ҳам худди шундай муносабатга муҳтож. Аммо атроф-муҳитга назар ташланса, бутунлай бошқача манзара. Табиат бизга, наҳотки, ўгай бўлса?!.
Биргина 2023 йилда Ўзбекистонда белгиланмаган жойга чиқинди ташлаганлик, саноат чиқиндиларини ташлаш каби ҳолатлар билан боғлиқ 17 мингдан ортиқ ҳуқуқбузарлик қайд этилган. Ўзбекистон Экологик партиясига келиб тушадиган мурожаатларнинг асосий қисми ҳам айни шу ҳолатлар юзасидан бўлмоқда. 2023 йилда жами 2769 та мурожаат келиб тушган бўлса, уларнинг 532 таси чиқинди масаласига оиддир.
Кунда-кунора экологик рейдлар ўтказилиши, белгиланаётган жарималарга қарамай, оддийгина масъулиятсизлик ёки бефарқлик туфайли одамлар чиқиндини дуч келган жойга улоқтириб кетаверади.
Мисол учун, куни кеча Ўзбекистон Экологик партиясининг ижтимоий тармоқлардаги саҳифаси орқали пойтахтимиз аҳолиси томонидан «Белгиланмаган жойда қайта-қайта чиқинди тўпланиб бормоқда» мазмунида мурожаат келиб тушди.
Ўзбекистон Экологик партияси Тошкент шаҳар кенгаши раиси С.Файзиева бошчилигида Чилонзор туман партия ташкилоти раиси Ф.Умаров, Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси Чилонзор тумани бўлими бошлиғи Д.Садиров, «Махсустранс» ДУК Чилонзор туман раҳбари ўринбосари О.Ортиқов иштирокида ўрганиш ишлари олиб борилди.
Аниқланишича, ушбу ҳолат Чилонзор туманининг «Навбаҳор» маҳалласида жойлашган 3-уйнинг орқа томонида «Яшил макон» бошқарув сервис компанияси (БСК) томонидан амалга оширилган.
Ушбу ҳолат бундан олдин ҳам бир неча бор такрорланган, БСК томонидан хазонлар олиб келиб ташланган, аҳоли ҳам мазкур ноқонуний чиқиндихонани ташкил бўлишида ўз «ҳисса»сини қўшган, яъни устига маиший чиқиндилар ҳам ташлаш оқибатида ноқонуний чиқиндихона юзага келган.
Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси Чилонзор тумани бўлими инспекторлари томонидан компания раҳбарлари огоҳлантирилишига қарамасдан, яна ушбу ҳудудга чиқиндилар ташланмоқда.
«Махсустранс» ДУК вакиллари ушбу чиқиндиларни олиб кетди. Бироқ, афсуски, айнан ўзи тозалик тарафдори бўлган ташкилотлар томонидан бу каби маданиятсизлик қилинса-ю, бошқа ташкилотлардан ва аҳолидан қандай жавоб кутиш мумкин?! Ўзбекистон Экологик партияси ушбу ҳолат юзасидан зудлик билан чора кўриш зарурлиги тўғрисида туман ҳокимлигига мурожаат йўллади.
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Батафсил
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Батафсил
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Батафсил
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Президентимиз томонидан «Яшил макон» умуммиллий лойиҳаси доирасида илгари сурилган муҳим ташаббуслар юртимизда экологик барқарорликни таъминлаш ҳамда ҳудудларни кўкаламзорлаштириш йўлидаги изчил сиёсатнинг амалий тасдиғи бўлди.
Ўзбекистон Экологик партияси Тошкент шаҳар кенгашининг 2026 йилга мўлжалланган чора-тадбирлар режасига мувофиқ, Сергели туманида жойлашган «Салар» оқава сувларни тозалаш иншоотида жамоатчилик назорати тадбири ўтказилди.
