Пайшанба
23-Июл 2026
Дунёнинг турли мамлакатлари бўйлаб яшиллар партияси экология манфаатлари учун курашишда давом этмоқда.
Жумладан, 9 июнь якшанба куни аҳоли қамрови бўйича дунёдаги энг йирик сайловлардан бири – Европарламент сайловлари – 2024 ўз якунига етди. Унда 27 та мамлакатнинг сиёсий партиялари иштирок этиб, ўз мамлакатлари учун ажратилган квоталар кесимида умумий 720 та ўрин учун курашдилар.
Ҳар беш йилда ўтказиладиган бу нуфузли сайловда яшиллар партияси 720 та ўриндан 52 та ўринни қўлга киритиб, олтинчи ўринни эгаллади. Уруш ва иқтисодий муаммолар фонида дунё эътибори гуманитар ва моддий масалаларга жалб бўлишига қарамай, ёшу қари ҳамон экологик устунлик учун курашмоқда.
Яшиллар партиясининг дунё мамлакатлари кесимида айниқса, Нидерландия ва сўнггида Германия ҳамон фаоллик ролини ушлаб келмоқда.
Жумладан, мамлакат ёшлари ўз лидерлари бошчилигида атроф-муҳит ва экология учун ҳам инсон, ҳам фуқаролик бурчларини амалга оширган ҳолда тарғибот ва намойиш ҳаракатларини ўтказиб келишди.
Яшил партиянинг етакчи аъзоларидан бири Бас Эйкхаут бундан сўнг ҳам партия ўз ишида янада фаол ҳаракатларни амалга оширишини, экология ва келажак учун бирдамликда курашишини баён қилиб, келгусида Яшил келишувни тезлатишига ваъда беришини айтди.
«Экологик муаммолар учун кураш ҳар қачон жадаллашса жадаллашадики, аммо ҳеч қачон дунё ҳамжамияти эътиборидан қолмайди. Инсонлар бугуни ва эртаси учун доим курашадилар», – дейди партия фаолларидан бири.
Сайловга старт берилган кунданоқ яшиллар партияси фаоллари ғалаба ва экология муҳофазаси учун қаттиқ кураш олиб борди. Жумладан, Ер шарининг ҳар қиррасида экология учун курашиб келаётган, турли тадқиқот ва тадбир ишларини олиб бораётган дунё ёшлари, фаоллари бу борада партия ғалабаси учун елкадош турди.
«Тошқин, қурғоқчилик ва иссиқлик тўлқинлари янада ёмонлашади. Барча янги сайланган сиёсатчилар сайёрамизнинг ҳаётини таъминлаш ва фарзандларимиз келажаги учун ҳаракат қилишимиз керак. Зеро, экология – бугунги кун сиёсатидир», – дейди Греэнпеаце Европа Иттифоқининг фаоли Ариадна Родриго.
Нилуфар УБАЙДУЛЛАЕВА
тайёрлади.
Сўнгги йилларда кўплаб давлатлар оммавий дарахт экиш дастурларини амалга оширмоқда. Бу борада Хитойнинг «Буюк яшил девор» лойиҳаси дунёдаги энг йирик ўрмон тиклаш ташаббусларидан бири ҳисобланади.
Батафсил
Европани қамраб олган кучли иссиқлик тўлқини Швейцария музликларининг одатдагидан анча эрта эришига сабаб бўлди.
Батафсил
Дунёда пластик чиқиндилар муаммоси тобора долзарб тус олаётган бир пайтда, олимлар экологик тоза муқобил материаллар яратиш устида изланиш олиб бормоқда. Ана шундай янгиликлардан бири Мексикада яратилган кактус асосидаги биологик парчаланувчи пластикдир.
Батафсил
Сўнгги йилларда кўплаб давлатлар оммавий дарахт экиш дастурларини амалга оширмоқда. Бу борада Хитойнинг «Буюк яшил девор» лойиҳаси дунёдаги энг йирик ўрмон тиклаш ташаббусларидан бири ҳисобланади.
Европани қамраб олган кучли иссиқлик тўлқини Швейцария музликларининг одатдагидан анча эрта эришига сабаб бўлди.
Дунёда пластик чиқиндилар муаммоси тобора долзарб тус олаётган бир пайтда, олимлар экологик тоза муқобил материаллар яратиш устида изланиш олиб бормоқда. Ана шундай янгиликлардан бири Мексикада яратилган кактус асосидаги биологик парчаланувчи пластикдир.
Ўзбекистон ва Италия ўртасида экологик соҳадаги ҳамкорликни янги босқичга олиб чиқувчи муҳим меморандум имзоланди.
Глобал экологик фонд (GEF)нинг VIII Ассамблеяси доирасида Самарқанд шаҳрида Экология ва иқлим ўзгариши миллий қўмитаси ҳузуридаги Ўрмон ва яшил ҳудудларни кўпайтириш, чўлланишга қарши курашиш агентлиги директори Эркин Муҳиддинов ҳамда Япониянинг Саноат, маънавий ва маданий тараққиёт ташкилоти (OISCA) ижрочи вице-президенти Нагаиси Ясуаки ўртасида учрашув бўлиб ўтди.
