Пайшанба
23-Июл 2026
Экологик вазиятни яхшилаш мақсадида Тошкентнинг «яшил белбоғи» ташкил этилмоқда. Ёшлар боғи шу яшил ҳалқанинг муҳим бўғини бўлади.
Боғ яратиб бунёдкорлик қилиш ишларига халқимиз тарихий анъана сифатида қарайди. Ота-боболаримиз асрлар давомида шундай анъаналарга ҳамиша содиқ бўлиб келишган. Хусусан, давлат арбоби, шоҳ ва шоир Заҳириддин Муҳаммад Бобур ҳам боғлар барпо этиш билан шуғулланган. 1504 йилда Қобул вилоятини қўлга киритгач, у шаҳар яқинида «Боғи Бинафша», «Боғи Жаҳоноро», «Ўртабоғ», «Чорбоғ», «Боғи Хилват», Истаргача яқинида – «Боғи Подишоҳ», Пагманда – «Боғи Калон» ва «Боғи Бобур» боғларини барпо этган. «Боғи Бобур» 1528 йилда Заҳириддин Муҳаммад Бобур томонидан лойиҳалаштирилган ва қурилган.
У 1530 йил 26 декабрда Аграда вафот этгач, унинг васиятига кўра валиаҳд шаҳзода Мирзо Хумоюн филлар карвонида Бобур Мирзо ҳокини Қобулга олиб келиб, ўзи яратган боққа дафн этади ва қабрига сағана, устига кўшк айвон бунёд этишади. Ҳозир бу ер «Бобур боғи» номи билан жаҳонга машҳур. Бу боғ ҳозирги кунда ҳам сайлгоҳ бўлиб, давлат, жамоатчилик томонидан ўтказиладиган оммавий анжуманлар марказига айланган.
Кўринадики, бундан қарийб беш аср олдин бунёд этилган боғ ҳалигача салобат тўкиб турибди. Бизнинг бугунги бунёдкорлик фаолиятимиз ҳам узоқ йиллар давомида одамларга манфаат етказиб туриши учун ҳозирдан ғайрат камарини белга маҳкамроқ боғлашимиз зарур. Шу маънода, Ўзбекистон Экологик партияси Бўстонлиқ туман кенгаши ва депутатлари томонидан «Яшил макон» умуммиллий лойиҳаси доирасида экилган дарахтлар ҳолатини ўрганиш бўйича мониторинг тадбирлари ўтказиб келинмоқда.
Ҳозирги кунда «Яшил макон» умуммиллий лойиҳаси доирасида Бўстонлиқ туманида экилган дарахтларни парвариш қилиш, суғориш ҳамда ишлов беришга Бурчмулло ўрмон хўжалиги, туман ободонлаштириш бўлими ва бошқа бир қатор ташкилотлар масъул этиб бириктирилган. Айни пайтда манзарали ва мевали дарахтларни ўз вақтида совуқдан ҳимоялаб, парвариш қилиб келинмоқда. Бўстонлиқ туманида «Яшил белбоғ» яратишга белда белбоғи бор инсонлар қатъий киришишган.
Эргаш САРИМСОҚОВ,
ЎЭП Бўстонлиқ туман кенгаши раиси
Экологик маданиятни юксалтириш, ёшларнинг ижтимоий-сиёсий фаоллигини кучайтириш учун уларнинг ташаббуслари ва инновацион ғояларини қўллаб-қувватлаш бугунги рақамли дунёнинг асосий талабидир.
Батафсил
Экология ва иқлим ўзгариши миллий қўмитаси аномал иссиқда дарахтларни қуриб қолишдан асраш чораларини кўришга чақирмоқда. Вазирлик аномал иссиқ ҳаво инсонлар билан бир қаторда мамлакатдаги яшил ҳудудлар, дарахтлар, буталар ва ҳайвонот дунёси учун ҳам жиддий хавф туғдиришини билдирди.
Батафсил
Бугунги кунда дунёда энергияга бўлган талаб тобора ортиб бораётган бир пайтда, экологик хавфсиз ва барқарор энергия манбаларини излаш глобал аҳамият касб этмоқда.
Батафсил
Экологик маданиятни юксалтириш, ёшларнинг ижтимоий-сиёсий фаоллигини кучайтириш учун уларнинг ташаббуслари ва инновацион ғояларини қўллаб-қувватлаш бугунги рақамли дунёнинг асосий талабидир.
Экология ва иқлим ўзгариши миллий қўмитаси аномал иссиқда дарахтларни қуриб қолишдан асраш чораларини кўришга чақирмоқда. Вазирлик аномал иссиқ ҳаво инсонлар билан бир қаторда мамлакатдаги яшил ҳудудлар, дарахтлар, буталар ва ҳайвонот дунёси учун ҳам жиддий хавф туғдиришини билдирди.
Бугунги кунда дунёда энергияга бўлган талаб тобора ортиб бораётган бир пайтда, экологик хавфсиз ва барқарор энергия манбаларини излаш глобал аҳамият касб этмоқда.
Ёзнинг иссиқ ва узун тунлари... Бутун оила жамулжам бўлиб ҳовлида ёки супада очиқ осмон остида ётишнинг гашти ўзгачада. Болалигимизда шундай дамларда кўзларимизни самога қаратганимизда, худди қора бахмал устига дурлар сочилгандек, минг-минглаган юлдузлар чарақлаб турарди.
Чиқиндиларни тўғри тасарруф этиш ва унинг экологияда зарарини камайтириш масаласида дунё мамлакатлари турли ёндашувларни илгари сурмоқда. Шулардан бири Голландия тажрибаси ҳисобланади.
