Жума
17-Апрел 2026
Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазири маслаҳатчиси Алишер Саломов бошчилигидаги вазирлик делегацияси Париж шаҳрида бўлиб ўтган ЮНЕСКО Ижроия кенгашининг 221-сессияси доирасидаги ахборот сессияларида иштирок этди.
Тадбирда Самарқанд шаҳрида бўлиб ўтадиган ЮНЕСКО Бош конференциясининг 43-сессиясига тайёргарлик ҳақида маълумот берилди. Мамлакатимизда экологик стандартлар ва барқарор ривожланиш тамойилларига риоя этишга алоҳида эътибор қаратилаётгани қайд этилди. Ўзбекистон «яшил» кун тартибини фаол тарғиб қилмоқда ва йирик халқаро тадбирлар, жумладан, Самарқанд Иқлим Форуми, Ёввойи ҳайвонларнинг кўчиб юрувчи турларини сақлаш тўғрисидаги Конвенсия иштирокчилари конференциясининг 14-йиғилиши (CMS COP14), Чўлланишга қарши кураш тўғрисидаги конвенсия (UNCCD CRIC21) бажарилишини кўриб чиқиш қўмитасининг 21-сессияси, шунингдек, йўқолиб кетиш хавфи остида турган ёввойи фауна ва флора турларининг халқаро савдоси тўғрисидаги конвенсия иштирокчиларининг бўлажак конференцияси (CITES COP20) учун муҳим майдонга айланмоқда.
Асосий эътибор ЮНЕСКО билан ҳамкорликда ишлаб чиқилган «Яшил ҳаракатлар режаси»га қаратилмоқда. Бу Бош конференция учун иқлим бетарафлигини таъминлашга қаратилган илк тарихий ҳужжатдир. Режага барқарор инфратузилма, бир марталик пластикдан воз кечиш, материалларни рақамли тақсимлаш, барқарор озиқ-овқат ва қайта тикланадиган энергиядан фойдаланиш киради.
Тадбирда «Яшил боғ» ташкил этиш ташаббуси тақдим этилди, унда ҳар бир делегат барқарор ривожланиш ва экологик мерос ғояларига содиқлик рамзи сифатида конференция ўтказиладиган ҳудуд яқинида дарахт экиш таклиф этилади.
ЮНЕСКО котибияти вакиллари билан бўлиб ўтган учрашувда «Яшил режа»ни такомиллаштириш, жумладан, электр транспортидан фойдаланиш, сувни тежовчи технологиялар ва углерод чиқиндиларини қоплаш механизмларини кенгайтириш бўйича таклифлар муҳокама қилинди.
Делегация иштироки Ўзбекистоннинг ЮНЕСКО билан ҳамкорлигини мустаҳкамлаш ва глобал экологик кун тартибини илгари суриш йўлидаги яна бир қадам бўлди.
Экология вазирлиги
Ахборот хизмати
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Батафсил
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Батафсил
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Батафсил
Ҳозирги глобаллашув шароитида атроф-муҳитни муҳофаза қилиш ва табиий ресурслардан оқилона фойдаланиш борган сари долзаб аҳамият касб этмоқда. Сўнгги ўн йилликларда табиий техноген ва антропоген омиллар таъсирида иқлим ўзгариши, ўртача ҳароратнинг кўтарилиши, ёғингарчилик меъёрларининг ўзгариши юзага келмоқда.
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Президентимиз томонидан «Яшил макон» умуммиллий лойиҳаси доирасида илгари сурилган муҳим ташаббуслар юртимизда экологик барқарорликни таъминлаш ҳамда ҳудудларни кўкаламзорлаштириш йўлидаги изчил сиёсатнинг амалий тасдиғи бўлди.
Ўзбекистон Экологик партияси Тошкент шаҳар кенгашининг 2026 йилга мўлжалланган чора-тадбирлар режасига мувофиқ, Сергели туманида жойлашган «Салар» оқава сувларни тозалаш иншоотида жамоатчилик назорати тадбири ўтказилди.
