Маҳсулотлар таркибидаги пластик микрозарралар ва руҳий саломатлик ўртасидаги боғлиқлик бир қанча илмий ишларда исботланган.

Brain Medicine журналида чоп этилган тадқиқотда қайта ишланган шакари кўп, тўйинган ёғ ва нат­рийли маҳсулотларга эътибор қаратилди. Мисол учун, ширин ва газли ичимликлар, чипс шаклидаги газаклар, ширинликлар, яримтайёр маҳсулотлар ва бошқалар шулар жумласидандир. Тадқиқотчилар товуқли наггетсларни мисол сифатида келтиради – табиий товуқ филесига қараганда бир грамм наггетсда 30 баравар кўп пластик микрозарра мавжуд.

Оттава университети психиатрия клиникаси шифокори Николас Фабиано шундай дейди: «Барчамизни ташвишга солиши керак бўлган далиллар тобора кўпайиб бормоқда. АҚШ каби мамлакатларда ҳозирги вақтда юқори даражада қайта ишланган маҳсулотлар истеъмол қилинади. Кунлик рационнинг 50 фоиздан кўпроғини қайта ишланган, пластик мик­розарралар мавжуд бўлган маҳсулотлар ташкил этади».

Шунингдек, у тадқиқотнинг ачинарли натижаларини эслатиб ўтди: «Бу зарралар гематоэнсефалик тўсиқ (мияни қон оқимидан ажратиб турадиган мембрана) орқали ўтиб, хавфли миқдорда тўпланиши мумкин».