Чоршанба
07-Январ 2026
Ўзбекистон Экологик партияси Марказий Кенгаши Ижроия қўмитаси томонидан 2025 йилнинг биринчи чорагида «Ўзбекистон – 2030» стратегиясини амалга ошириш ҳамда «Атроф-муҳитни асраш ва «яшил иқтисодиёт» йили» Давлат дастурида белгиланган устувор вазифалар ижросини таъминлаш борасида қатор муҳим ишлар амалга оширилди.
«Яшил боғлар» ҳолатини ўрганиш
Давлат дастурининг 7-иловасида белгиланганидек, Ўзбекистон Экологик партияси томонидан давлат органлари ва корхоналар ҳудудида ташкил этилган «яшил боғлар» устидан жамоатчилик ва депутатлик назорати олиб борилди. Қорақалпоғистон Республикаси, вилоятлар ва Тошкент шаҳридаги 71 та ташкилотда ташкил этилган 94 та «яшил боғ» ҳолати ўрганилди. Натижада, 458 662 дона манзарали ва мевали кўчат экилгани аниқланиб, уларнинг аксарияти парваришланган бўлса-да, 18 222 дона кўчат нобуд бўлган.
Энг кўп қуриган кўчатлар Қорақалпоғистон Республикасида (17 590 дона), Хоразм (420 дона) ва Бухоро вилоятларида (212 дона) кузатилди. Хусусан, Нукусдаги тиббиёт бирлашмаси ҳудудида экилган 11 минг кўчатдан 9 900 донаси, Тахиатошдаги иссиқлик станцияси ҳудудидаги 13 минг кўчатдан 6 500 донаси қуриб қолган. Экологик партия томонидан аниқланган ушбу ҳолатлар тегишли ташкилотлар эътиборига ҳавола қилинди.
Экологик маданиятни ошириш ва инфратузилма
Чиқиндиларни бошқариш: Мактабгача ва мактаб таълими муассасаларида чиқинди контейнерларига эҳтиёжлар ўрганилиб, маҳаллий ҳокимликлар ва тегишли вазирликларга таклифлар киритилди.
«Экологик бурчаклар» ташкил этиш: Барча умумтаълим муассасаларида экологик маданиятни ошириш бўйича «Экологик бурчаклар» ташкил этилмоқда. Ҳозирга қадар 2 530 та мактабда яшил боғ барпо этилди.
«Экологик йўлакчалар»: Мактабгача таълим ташкилотларида «Ер – бизнинг умумий уйимиз» дастури асосида турли ўйинлар, тажрибалар ва экосайёҳлик йўналишлари ташкил қилинмоқда.
Ички ишлар ва Экология вазирликлари ўртасида экологик ҳуқуқбузарликлар бўйича ахборот алмашинуви тизими йўлга қўйилди. «Шахсни идентификация қилиш» ахборот тизими билан интеграция асосида экологик қонунбузарликларни аниқлаш ва олдини олиш самарадорлиги оширилмоқда.
Ўрганишлар натижасида аниқланган муаммолар таҳлил этилиб, уларни бартараф этиш бўйича тегишли тавсиялар ишлаб чиқилди. Экилган кўчатларнинг парвариши, оқова сувларни тозалаш, ер деградациясини камайтириш, яйловлар ва коллектор тармоқларини мониторинг қилиш, метан эмиссияларини камайтириш, экологик маданиятни шакллантириш бўйича амалий чора-тадбирлар кўрилди.
Экопартия Марказий Кенгаши Ижроия қўмитаси томонидан экологик назорат ва мониторинг доимий эътиборда бўлиб, ушбу йўналишлардаги ишлар изчил давом эттирилмоқда. Мақсад – атроф-муҳитни асраш, барқарор ривожланишни таъминлаш ва келажак авлодлар учун соғлом экологик муҳит яратишдан иборат.
Ўзбекистон Экологик партияси
Ахборот хизмати
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Батафсил
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Батафсил
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Батафсил
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Қорақалпоғистонда саксондан ортиқ миллат ва элатлар дўст-иноқликда яшаб келади. Уларнинг орасида корейслар ҳам кўп. Эътиборли жиҳати шундаки, Ўзбекистон Экологик партияси сафида ҳам турли миллат вакиллари кўпчиликни ташкил қилади.
Мамлакатимиздаги иссиқлик электр станцияларида экологик барқарорликни таъминлаш, атроф-муҳитга салбий таъсирни камайтириш ва ишлаб чиқариш жараёнларини замонавий экологик талабларга мослаштиришга алоҳида эътибор қаратилмоқда.
