Чоршанба
07-Январ 2026
Ўзбекистон Республикасининг 2020 йил 8 июлда қабул қилинган «Ов қилиш ва овчилик хўжалиги тўғрисида»ги Қонунига мувофиқ, ҳар йили 1 мартдан 15 августга қадар ов мавсуми ёпилади.
Бу вақтда ёввойи ҳайвонлар, балиқ ва қушларни овлаш қатъий тақиқланади. Чунки бу даврда уларнинг кўпайиш мавсуми давом этади. Бундай вазиятда ов қоидаларини бузиш, хусусан, тақиқланган даврда ов қилиш қонунчиликка кўра қатъий жавобгарликка сабаб бўлади.
Юртдошларимиз ов мавсуми тугаган даврда табиатга янада эҳтиёткорона муносабатда бўлишлари лозим. Бироқ орамизда мавжуд қонун-қоидаларни назар-писанд қилмайдиганлар ҳам йўқ эмас. Буни билмоқчи бўлганлар ўзлари истаган балиқ бозорига бориб кўришлари мумкин.
Шу кеча-кундузда ҳам бозорларда балиқ савдоси авжида. Фермер хўжаликлари ва бошқа тур тадбиркорлик субъектлари етиштираётган балиқлардан ташқари қўлда чакана усулда овланган балиқлар ҳам йўқ эмас. Фермерлар ва тадбиркорлар бозорга тонналаб балиқ олиб чиқса, чакана овловчилар бир уюм-бир уюм олиб чиқишади. Ана шу бир уюм-бир уюмгина балиқлар ҳам айни увилдириқ сочадиган паллада тўрга тушиб қолгани чатоқ-да.
Чекка-чеккада сотилиб турган бу балиқларнинг нархи тадбиркорлар томонидан етиштирилган балиқларга қараганда анча қиммат, лекин бозори чаққон. Чунки табиий шароитда, оқар сувда катта бўлган балиқ гўшти мазали бўлиши барчага бирдай аён.
Шу ўринда савол: ов тақиқланган бўлса, бозорларимизга табиий шароитда ўсган бу балиқлар қандай кириб келмоқда? Улар қаерда овланяпти?
Кейинги йилларда браконьерлар электр таъсирида балиқ овлаши урфга кирганини яширишга асло ҳожат йўқ. Оқибатда, овланган балиқ билан бирга сувга сочилган увилдириқлар ҳам электр кучланиши оқибатида жиддий шикастланади ёхуд нобуд бўлиш хавфи ортиб бормоқда. Кўплаб балиқларнинг ноёб турлари ана шунинг оқибатида йўқолиб кетиш хавфи остида қолмоқда.
Яқинда Бухоро вилоятининг Олот тумани ҳамда Қорақалпоғистон Республикасининг Мўйноқ туманида ноқонуний равишда ов қилаётган фуқаролар аниқланиб, тегишли жавобгарликка тортилган эди. Ана шундай масъулиятли паллада ов қилиш талаблари бузилишининг олдини олиш мақсадида барча жойларда тегишли ташкилотлар доимий равишда назорат-рейд тадбирлари ўтказишда давом этишлари лозим.
Эрпўлат БАХТ
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Батафсил
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Батафсил
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Батафсил
Кейинги йилларда мамлакатимиз бўйлаб бунёдкорлик ишлари жадаллик билан олиб борилмоқда. Шаҳар ва туман марказларида тураржой, корхона, ташкилотларнинг осмонўпар бинолари қад ростламоқда. Уларнинг кўпчилиги мавжуд тартиб-қоида ва меъёрий талаблар асосида барпо қилинаётган бўлса, айримларида эса бунинг аксини кўриш мумкин.
Жойларда аҳоли ҳаёти, кундалик муаммолар ва мавжуд имкониятларни чуқур ўрганмасдан туриб, аниқ ечим ва самарали қарор қабул қилиш мушкул. Шу маънода, депутатлар ва партиямиз томонидан ҳудудларда олиб борилаётган ўрганишлар жамият билан очиқ мулоқотни мустаҳкамлаш, аҳоли манфаатларини таъминлашга қаратилган муҳим амалиёт ҳисобланади.
Ҳудудларда халқ билан мулоқот – амалий натижаларга йўл. Аҳоли билан бевосита мулоқот қилиш, уларнинг турмуш тарзи, меҳнат фаолияти ва кундалик муаммоларини жойида ўрганиш давлатимиз сиёсатининг муҳим йўналишларидан бири ҳисобланади.
Қорақалпоғистонда саксондан ортиқ миллат ва элатлар дўст-иноқликда яшаб келади. Уларнинг орасида корейслар ҳам кўп. Эътиборли жиҳати шундаки, Ўзбекистон Экологик партияси сафида ҳам турли миллат вакиллари кўпчиликни ташкил қилади.
Мамлакатимиздаги иссиқлик электр станцияларида экологик барқарорликни таъминлаш, атроф-муҳитга салбий таъсирни камайтириш ва ишлаб чиқариш жараёнларини замонавий экологик талабларга мослаштиришга алоҳида эътибор қаратилмоқда.
