Депутат ташаббуси билан 20 та янги иш ўрни
Маҳалла обод бўлса, одамларнинг ҳам кўнгли тўқ. Уйда дастурхон тўкин, оилада иш ва даромад бўлса, эртанги кунга ишонч ҳам ортади.
БатафсилЖорий йилнинг энг муҳим табиатни муҳофаза қилиш тадбирларидан бири бошланишига оз қолди – 24 ноябрдан 5 декабргача «Silk Road Samarkand» туризм мажмуаси йўқолиб кетиш хавфи остида турган ёввойи ҳайвон ва ўсимлик турлари билан халқаро савдони тартибга солиш тўғрисидаги конвенция томонлари конференциясининг 20-сессияcи – CITES CoP20 мезбони бўлади.
Самарқандда 180 дан ортиқ давлат вакиллари биохилма-хилликни сақлаш, камёб турлар савдосини тартибга солиш ва табиатни муҳофаза қилиш соҳасида халқаро ҳамкорликни мустаҳкамлаш масалаларини муҳокама қилиш учун йиғилади.
Тадбир дастури жуда бой ва кўп қиррали бўлиши кутилмоқда. Конференциянинг дастлабки кунларидаёқ пленар сессиялар ҳамда йўқолиб бораётган турларни муҳофаза қилиш, ёввойи табиатни мониторинг қилиш технологиялари, барқарор табиатдан фойдаланиш ва янги қонунчилик ташаббусларига бағишланган ўнлаб мавзули тадбирлар ўтказилади. Самарқанд декларациясининг тақдимоти, ноқонуний ҳайвон савдосига қарши кураш, қор қоплони ва сайғоқларни муҳофаза қилиш, инсон ва ёввойи табиат ўртасидаги можароларни камайтиришга қаратилган табиатга асосланган ечимлар муҳокамаси алоҳида эътибор марказида бўлади. Шунингдек, Ўзбекистонда экотизимларни тиклашга қаратилган GEF-8 лойиҳасининг ишга туширилиши ҳам муҳим воқеликка айланади.
Конференциянинг иккинчи ярмида иштирокчилар Марказий Осиёда акула, фил, панголин, денгиз турлари ва ноёб мушукларни муҳофаза қилиш каби трансчегаравий ташаббусларни муҳокама қиладилар. Ўзбекистоннинг Рамсар стратегияси, қўмита йиғилишлари, илмий муҳокамалар ва тақдирлаш маросимлари каби миллий стратегиялар тақдимотлари бўлиб ўтади. Конференциянинг сўнгги кунларида яшаш муҳити сифати мезонларини барқарор ривожланиш сиёсатлари ва амалиётларига интеграция қилиш, каркидонларни асраш, табиатни муҳофаза қилиш тармоқлари ҳамкорлигини кучайтириш бўйича амалий ечимлар муҳокама қилинади. Самарқанд нафақат муҳим қарорлар қабул қилинадиган майдонга, балки сайёрамизнинг ёввойи табиатни асраш борасида жаҳон ҳамжамияти бирлиги рамзига айланади.
Экология вазирлиги матбуот хизмати
Ўхшаш мақолалар
«Долзарб 40 кунлик»: юртимиз кунига 30 минг тонна чиқиндидан тозаланмоқда
Ўзбекистонда Республикаси давлат мустақиллигининг 35 йиллик байрами муносабати билан бутун республика бўйича барча ташкилотлар ходимлари дам олишган бўлса-да, тозалик ва ободонлаштириш соҳасининг фидойи ишчилари бир зум ҳам тўхташгани йўқ.
Батафсил
Бугунни ва келажакни ҳимоя қилиш масъулияти
Табиат бизни ўраб турган бутун борлиқ, кишиларнинг моддий ва маънавий эҳтиёжларини қондириш манбаидир. Инсон ушбу ягона экотизимнинг ажралмас бир қисми бўлгани боис, унинг моҳияти бир томондан биологик, иккинчи томондан ижтимоийдир.
Батафсил
Кўп ўқилганлар
-
Депутат ташаббуси билан 20 та янги иш ўрни
Маҳалла обод бўлса, одамларнинг ҳам кўнгли тўқ. Уйда дастурхон тўкин, оилада иш ва даромад бўлса, эртанги кунга ишонч ҳам ортади.
-
«Долзарб 40 кунлик»: юртимиз кунига 30 минг тонна чиқиндидан тозаланмоқда
Ўзбекистонда Республикаси давлат мустақиллигининг 35 йиллик байрами муносабати билан бутун республика бўйича барча ташкилотлар ходимлари дам олишган бўлса-да, тозалик ва ободонлаштириш соҳасининг фидойи ишчилари бир зум ҳам тўхташгани йўқ.
-
Бугунни ва келажакни ҳимоя қилиш масъулияти
Табиат бизни ўраб турган бутун борлиқ, кишиларнинг моддий ва маънавий эҳтиёжларини қондириш манбаидир. Инсон ушбу ягона экотизимнинг ажралмас бир қисми бўлгани боис, унинг моҳияти бир томондан биологик, иккинчи томондан ижтимоийдир.
-
Барқарор ва арзон электр энергияси – аҳолини рози қилишнинг муҳим шарти
Юртимиздаги ҳар бир хонадондаги чироқ шунчаки ёритувчи манба эмас, балки оилавий хотиржамлик, илиқлик ва турмуш фаровонлигининг асосий омилидир.
-
Хавфсиз ва барқарор шаҳар яратишда Ўзбекистон ва Япония мустаҳкам ҳамкорлик ўрнатмоқда
Тошкентда БМТ Тараққиёт дастури (БМТТД) ҳамда Япония Ер, инфратузилма, транспорт ва туризм вазирлиги (MLIT) томонидан юқори даражадаги мулоқот бўлиб ўтди.